म्यागसेसे पुरस्कार विजेता सामाजिक अभियन्ता महावीर पुन पछिल्लो समयमा कोरोना भाइरस (कोभिड १९) संक्रमितका लागि अत्यावश्यक पर्न सक्ने भेण्टिलेटरको मर्मतमा जुटेका छन् । उनले स्वदेशका विभिन्न अस्पतालमा रहेका विग्रिएका भेण्टिलेटरहरु राष्टिय आविश्कार केन्द्र मार्फत मर्मतको काम थालेका छन् । यसका लागि उनले भेण्टिलेटर मर्मत गर्ने सक्ने दक्ष व्यक्तिहरुलाई सहयोगका लागि अनुरोध पनि गरेका छन् ।
शनिवार पुनले बिभिन्न अस्पतालहरुका विग्रिएका भेण्टिलेटर मर्मतका लागि ईच्छुक व्यक्तिहरुलाई सहयोगका लागि फेसबुक मार्फत आव्हान गरेका थिए । पुनका अनुसार काठमाडौँको ट्रमा सेन्टरको बिग्रेको भेन्टिलेटरहरु मध्ये मर्मतका क्रममा दुईवटाले काम गर्ने सम्भावना देखिएको र बाँकी ३ वटाको पनि पार्टपुर्जा खोजेर बनाउने प्रयास भइरहेको बताएका छन् ।
पुनले आइतवार धेरै बायोमेडिकल ईन्जिनियरहरु राष्ट्रिय आविष्कार केन्द्रमा पुगेर मर्मत गर्ने काम गरेको भन्दै विपतद्को समयमा सहयोग गर्नेहरुलाई धन्यवाद दिएका छन् ।
पुनले टिचिङ अस्पताल काठमाडौंको आइसीयूका ६ वटा, गणेशमान सिंह मेमोरियल अस्पताल ललितपुरका ४ वटा र ट्रमा सेन्टर काठमाडौँका १० वटा विग्रिएका भेन्टिलेटरहरु मर्मतका लागि आग्रह गरिएको भन्दै भेन्टिलेटर मर्मत गर्नको लागि सहयोग गर्ने व्यक्तिहरुलाई सहयोगको आव्हान गरेका छन् । उनले सहयोग गर्ने व्यक्तिहरुलाई सम्वन्धित अस्पतालहरुमा नै गएर सहयोग गर्र्न पनि आग्रह गरेका छन् ।
कोरोनाका विरामीको संख्यामा वृद्दि हुनासाथ भेण्टिलेटर अत्यावश्यक हुन्छ । हाल विश्वमा भेण्टिलेटर अभावकै कारण कोरोनाका गम्भीर विरामीको ज्यान गइरहेको छ । भेण्टिलेटरको मागमा आएको उच्च मागका कारण भार लगायतका मुलुकले मुलुकभित्र रहेका भेण्टिलेटरअन्य मुलुकमा विक्रिवितरण गर्न नपाउने गरी बन्देज समेत लगाइसकेका छन् । यो अवस्थामा मुलुकमा रहेका र विग्रिएका भेण्टिलेटरको मर्मत गरेर चलाउन सकिएमा पनि ठूलो राहत हुनेछ ।
यसैबीच राष्ट्रिय आविश्कार केन्द्रले डाक्टरहरुले सुरक्षित रुपमा कोरोनाको बिरामी जाँच्ने बुथको नमुना तयार पारेको छ । सो नमुनालाई पोखरा, लतितपुर र काठमाडौंका विभिन्न अस्पतालहरुले परीक्षण गरेका छन् । ति बुथलाई डाक्टरहरुले रुचाएको र अन्य जिल्लाहरुबाट पनि त्यसको माग भएको भन्दै केन्द्रले ति बुथहरु बनाउने सामग्रीको खर्च केन्द्रले उपलव्ध गराउछ । बुथ निर्माणका लागि अमेरिकन नेपाल मेडिकल फाउण्डेसन, अमेरिकाका अध्यक्ष डा. सन्तोष सापकोटाले केन्द्रलाई रु.५ लाख उपलव्ध गराउने जानकारी पुनले जनाएका छन् ।
केन्द्रले गर्न सक्ने सहयोगका विषयमा थप जानकारी आवश्यक परेमा महावीर पुनलाई ९८४१५९२३६१ मा फोन गर्न सक्नुहुन्छ ।
यो पनि पढ्नुहोस् महामारी, आप्रवासी श्रमिक र गर्नुपर्ने काम