जर्मनीमा नेपाली सहायक कामदार छनौटका लागि आवेदन आव्हान भन्दै सामााजिक सञ्जालमा भ्रमपूर्ण विज्ञापन प्रकाशन भइरहेको भन्दै वैदेशिक रोजगार विभागले सचेत रहन आग्रह गरेको छ । विभागले एक विज्ञप्ती प्रकाशित गर्दै रोजगारीमा जान ईचछुकहरुलाई विभागको वेभसाइटमा प्रकाशित हुने सुचना हेर्न अनुरोध गरिएको छ ।

विभागका निर्देशक कविराज उप्रेतीले सामाजिक सञ्जालमा प्रकाशित भ्रमपूर्ण सुचना, विज्ञापनमा विश्वास नगर्न अनुरोध गरेका छन् । नेपाल सरकार र जर्मनी सरकारबीच भएको श्रम सम्झौताको हवाला दिंदै कतिपय व्यक्तिले आकर्षक सेवा, सुविधा सपहत रोजगारीको प्रलोभन देखाउँदै भ्रमपूर्ण विज्ञापनहरु प्रकाशित गरिरहेका छन् । फेसबुक, टिकटक जस्ता सामाजिक सञ्जालहरुमा त्यस्ता भ्रमपूर्ण विज्ञापनहरु प्रकाशित हुने गरेका छन् ।