मलेसियामा विदेशी श्रमिकका लागि निर्माण, कृषि तथा प्लाण्टेसन गरी तीनवटा क्षेत्रमा मात्र रोजगारी उपलव्ध गराउने मलेसिया सरकारको निर्णयको स्थानीय ट्रेड यूनियन मलेसियन ट्रेड यूनियन कँग्रेस (एमटीयूसी) ले विरोध गरेको छ । यसलाई ‘मलेसियाली अर्थतन्त्रलाई आत्महत्या’ संज्ञा दिंदै सो एमटीयूसीले विदेशी श्रमिकलाई रोजगारीका क्षेत्र सिमित गर्न नहुने धारणा राखेको हो ।

मलेसियामा कलकारखानामा काम गर्ने (फ्याक्ट्री वर्कर) तथा सेवा क्षेत्रमा नेपाली श्रमिक धेरै कार्यरत छन् । तर सो क्षेत्रको रोजगारीमा कोभिड १९ का कारण विदेशबाट फर्केका आफ्नै नागरिकलाई रोजगारी उपलव्ध गराउने भन्दै मलेसियाको मानव संशाधन मन्त्रालयले तीनवटा क्षेत्रको रोजगारीमा मात्र विदेशी श्रमिकलाई उपलव्ध गराउने यस अगाडी निर्णय गरेको छ । सरकारको सो निर्णय गलत भएको भन्दै एमटीयूसी त्यसको विरोधमा उभिएको हो ।

यो पनि पढ्नुहोस् स्वदेशमै केहि गर्न चाहन्छन् विदेशबाट फर्केकाहरु

एमटीयूसीले सरकारले सो निर्णय राष्ट्रिय श्रम सल्लाहकार परिषद (एनएलएसी) मा कुनै छलफल नगरी एकतर्फी रुपमा घोषणा गरेको भन्दै त्यसमा असहमति जनाएको छ । सो निर्णय गर्नुपूर्व मानव संशाधन मन्त्रीले परामर्श समेत नगरेको भन्दै एमटीयूसीले असहमति जनाएको हो ।

एमटीयूसीका महासचिव जे सोलोमनले सो निर्णय तत्काल रोक्न र राष्ट्रिय श्रम सल्लाहकार परिषदमा छलफल गर्न माग गरेका छन् । उनले आईएलओ अभिसन्धि नम्वर १४४ अनुरुप काम गर्न पनि माग गरेका छन् । मानव संशाधन मन्त्रीले यस विषयमा छलफल गरी विदेशी श्रमिक माथिको निर्भरता घटाउने र मलेसियन नागरिकको बेरोजगारी क मगर्ने विषयमा अन्य उपाय अवलम्वन गर्नुपर्ने उनको माग छ ।
मलेसियामा वैधानिक रुपमा कार्यरत विदेशी श्रमिकको संख्या २० लाखको हाराहारीमा छ । यसैगरी अवैधानिक रुपमा बस्ने श्रमिकको संख्या पनि ठूलो रहेको अनुमान छ ।

तपाईलाई रुचिकर हुनसक्छ रिटर्नीले गरे मृगौला पिडित बालकका लागि आर्थिक सहयोग