कोरोना भाइरस (कोरोना भाइरस) को संक्रमण फैलिन नदिन लकडाउन सहित प्रयत्न गरिरहेको मुलुक कुवेतले मुलुकमा जारी कर्फ्यू (निषेधाज्ञा) को उल्लंघन गर्ने विदेशी नागरिकलाई डिपोर्ट (देश निकाला) गर्ने चेतावनी दिएको छ । कुवेतको आन्तरिक मन्त्रालयले रात्री समयका लागि लागु गरिएको कफर््यू उल्लंघन गर्नेहरुलाई डिपोर्ट गर्ने चेतावनी दिएको हो ।
सो मन्त्रालयका अनुसार हालसम्म कर्फ्यू को उल्लंघनको अभियोगमा २ सय जना पक्राउ परिसकेका छन् । तर उनीहरु मध्ये कति विदेशी नागरिक हुन् भन्ने खुलेको छैन ।
यसैवीच कुवेतमा थप एक नेपालीमा कोरोना संक्रमण देखिएको छ । योसँगै कुवेतमा कोरोना संक्रमित नेपालीको संख्या दुई पुगेको छ । कुवेतमा हालसम्म ४ सय १७ जनालाई कोरोना संक्रमण भएको छ । यसमध्ये ८२ जना निको भएका छन् । कुवेतमा हालसम्म कोरोना भाइरसका कारण हालसम्म मृत्यु भनें कसैको भएको छैन । यो कुवेतमा कार्यरत नेपाली र उनीहरुको परिवारका लागि सुखद कुरा हो ।
यो पनि पढ्नुहोस् महामारी, आप्रवासी श्रमिक र गर्नुपर्ने काम