सरकारले आगामी शुक्रवार देखि लागु हुने गरी युरोपका सबै मुलुक, पश्चिम एसियालगायत खाडी मुलुक, इरान, टर्की, मलेसिया, दक्षिण कोरिया, जापानबाट आउने र ति मुलुकलाई ट्रञ्जीट बनाएर अरु जुनसुकै मुलुकबाट आउने यात्रुलाई आवागमनमा बन्देज लगाएको छ । २० मार्च, २०२० मा सुरु हुने यस्तो बन्देज १५ अप्रिल, २०२० सम्म लागु हुनेछ ।
उपप्रधानमन्त्री ईश्वर पोखरेलको नेतृत्वमा गठित कोभिड १९ को संक्रमण, रोकथाम तथा नियन्त्रणका लागि गठित उच्चस्तरीय समन्वय समितिको बुधवार बसेको बैठकले यस्तो निर्णय गरेको हो । शुक्रवार मध्यराती देखि लागु हुनेगरी ति मुलुकहरु तथा ति मुलुकलाई ट्राञ्जिट बनएर आउने यात्रुहरुलाई नेपाल प्रवेश रोक्ने उच्चस्तरीय समन्वय समितिले निर्णय गरेको हो ।
यसैगरी बैठकले २५ जना भन्दा बढी भेला भएर भोजभतेर आयोजना नगर्न, सिनेमा हल, रंगशाला, हेल्थ क्लव, मनोरञ्जन स्थलहरु आगामी अप्रिल ३० तारिखसम्म बन्द गर्ने पनि निर्णय गरेको छ । विभिन्न सांस्कृतिक तथा सामाजिक कार्यहरुमा पार्टी प्यालेस, मठमन्दिर, गुम्बा, चर्चजस्ता धार्मिक र सार्वजनिक स्थलहरुमा २५ जनाभन्दा बढी मानिसहरु भेलामा रोक लगाउने पनि सरकारले निर्णय गरेको छ। यसको अनुगमन गृह मन्त्रालय र संस्कृति एवम् पर्यटन तथा नागरिक उड्डयन मन्त्रालयले गर्ने पनि समितिले निर्णय गरेको छ।
यो पनि पढ्नुहोस् ‘लकडाउन’ सँगै सुनसान भयो मलेसिया, अवको १४ दिन यी काम गरेमा हुनेछ जेल र जरिवाना