नेपालकी राष्ट्रपतिद्दारा कतारको पुस्तकालयलाई उपहार

कतारका लागि नेपाली राजदूत डा. नारद नाथ भारद्दाजले राष्ट्रपति विद्यादेवी भण्डारीले उपहार स्वरुप पठाएको वाल साहित्यका पुस्तकहरु कतार राष्ट्रिय पुस्तकालयका उपकार्यकारी निर्देशक प्याट्रिक लाण्ड्रीलाई हस्तान्तरण गरेका छन् । राष्ट्रपति भण्डारीले यसअगाडी गत अक्टोवर २०१८ मा कतार भ्रमणका क्रममा सो पुस्तकालय भ्रमण गरेकी थिइन् ।

दोहा स्थित नेपाली दूतावासका अनुसार राष्ट्रपति भण्डारीले उपहार स्वरुप पठाएका पुस्तकहरुमा मैना चरीको अन्तिम गीत, म राउत्या रौतेला, आँटी पुतली, मित भ्यागुता तथा विज्ञाताका कथाहरु रहेका छन् । ति पुस्तकहरु नेपाली र अरवि भाषामा छन् ।

यो पनि पढ्नुहोस् अन्तर्वार्ता पास भएपछि मात्र पासपोर्ट, अभिमुखिकरण तालिम सरकारले नै