लगाई दिन्छु मखमली सयपत्री निधारमा ।
पुजी कन अंग अंग दाजूभाइ लाई तिहारमा ।
यमदूतनै आए पनि बाचा अड्चन हटाउनेछु !
तेलपानीको घेरा लगाई ओखर फोरी संघारमा ।
जून जस्तै चम्किएर घाम जस्तै लम्किएर
कर्म गरुन् राम जस्तो बुद्ध बनुन् बिचारमा ।
गरिब दु:खी बिहिन एउटा धर्ती स्वर्ग रचाउन
मेरै दाजूभाईका पाईला अग्र बनुन् संसारमा ।
मै चेलीको आराधना सुनिकन भगवानले
दिउन् संधै सुख शान्ति हाँसो खुशी मुहारमा ।
-रोमा पौडेल
What’s your Reaction?
+1
+1
+1
+1
+1
+1
+1
