
देशपरदेश, हेटौंडा, आफ्नै आमाजुबाट भारतको कोलकातास्थित बेश्यालयमा बेचिएकी मकवानपुरकी एक महिलाको मृत्यु भएको छ । बेश्यालयबाट अशक्त अवस्थामा पाँच बर्षपछि फिर्ता भएकी महिलाको मृत्यु भएको हो । २८ बर्षिया उनलाइ २०६६ असारमा आमाजु सावित्री तथा उनका श्रीमान् राजु घिमीरेले वेश्यालयमा लगेर बिक्री गरेका थिए ।
रक्सौलबाट लठ्याउने औषधि खुवाएर बेश्यालयमा लगेर उनलाई बिक्री गरिएको दाबी गरिएको थियो । कोठी सञ्चालकले चार वर्षपछि जिब्रो काटेर कुटपिट गरी मरणासन्न अवस्थामा सिलिगुडी बजारको फोहोरको थुप्रोमा फालिदिएका थिए । भारतको सिलगुडीस्थित एक गैरसरकारी संस्थाले फोहोरबाट उद्घार गरी उपचारपछि हेटौंडा ११ स्थित उनको माइतीमा ल्याइदिएको थियो ।
जिब्रो काटिएकाले प्रष्ट बोल्न तथा हिडडुल गर्न नसक्ने अवस्थामा मंशिर ५ गते आइपुगेकी उनको तीन हप्ता नपुग्दै मृत्यु भएको हो । भाइबुहारी विक्री गरेको अभियोगमा हेटौंडा ११ की आमाजू सावित्री र उनका श्रीमाान् राजुलाई जिल्ला अदालत मकवानपुरले थुनामा पठाएको छ । प्रहरील उनीहरुलाई मंसिर ९ गते पक्राउ गरेको थियो ।