काठमाडौं । खाडीका अधिकाँश मुलुकहरुको स्थानीय कानुन अनुसार कुनै पनि हिंसाका घटनाको तस्वीर वा भिडियो सामाजिक सञ्जालमा हाल्दा समस्यामा पर्न सकिने भएका कारण यसमा सजगता अपनाउनु जरुरी देखिएको छ । नेपालमा सामान्य रुपमा लिइने र कुनै कानुनी कारवाही नहुने भएका कारण यस्तो अभ्यास गर्ने नेपालीहरुलाई खाडीका मुलुकस्थित नेपाली दूतावासहरुले यसमा सजगता अपनाउन अनुरोध गरेका छन् ।

युएईस्थित नेपाली दूतावासले पछिल्लो समयकामा भ्रम फैलिने तस्बिर तथा भिडिओ सामाजिक सञ्जालमा नहाल्न अनुरोध गर्दै सुचना जारी गरेको छ । यस्ता सामग्री दण्डनीय हुनसक्ने भएकाले सचेत रहन अनुरोध गरेको हो। आइतबार एड्भाइजरी जारी गर्दै दूतावासले अज्ञात स्रोतबाट लिइएका कुनै पनि सामग्री प्रसारण नगर्न अनुरोध गरेको हो।

‘युएईमा विकसित परिस्थितिका सन्दर्भमा सामाजिक सञ्जाल प्लेटफर्म वा अन्य कुनै पनि प्राविधिक माध्यममार्फत अज्ञात स्रोतबाट आएका हल्ला तथा आधिकारिक रूपमा पुष्टि नभएका सामग्री प्रकाशन वा प्रसारण नगर्न र यहाँको सुरक्षा स्थितिबारे भ्रम लिने किसिमले तस्बिररभिडिओ खिची पोष्ट नगर्न युएईमा रहनुभएका सम्पूर्ण नेपाली समुदायलाई अनुरोध गरिएको छ,’ एड्भाइजरीमा भनिएको छ।

‘यस्ता कार्य कानून बमोजिम दण्डनीय हुने चेतावनी युएईका आधिकारिक निकायबाट जारी भएको छ,’ एड्भाइजरीमा उल्लेख छ।