वैदेशिक रोजगार विभागले माल्टा, रोमानिया लगायतका मुलुकहरुम कामदार पठाउने भन्दै सामाजिक सञ्जालबाट ठगि गरेको अभियोगमा एक कन्सल्टेन्सीमा छापा मारी कागजातहरु जफत गरेको छ ।

वैदेशिक रोजगार विभागका सूचना अधिकारी गुरुदत्त सुवेदीका अनुसार काठमाडौंको कलंकीस्थित युनिम्याक्स एजुकेसन कन्सल्टेन्सीमा छापा मारेर पासपोर्ट, डिमाण्ड लेटर, ल्यापटप, स्क्यानिङ मेसिन लगायतका सामग्री जफत गरेको हो । सो संस्थाले युरोपका मुलुकमा रोजगारीमा पठाउने भन्दै ठूलो रकम असुलेको सुचनाको आधारमा विभागले छापा मारिएको जनाएको छ । सो संस्था उपर अनुसन्धानको काम भइरहेको सुवेदीले जानकारी दिए ।