संयुक्त ट्रेड युनियन समन्वय केन्द्र (जेटियुसीसी) ले आगामी निर्वाचनमा नीजि क्षेत्रमा काम गर्ने श्रमिकहरुलाई पनि सार्वजनिक बिदा दिन अनुरोध गरेको छ । जेटीयूसीसीले सो अनुरोध सहित गृह मन्त्रालयमा ध्यानाकर्षण पत्र बुझाएको हो ।

जेटीयूसीसी अध्यक्ष प्रेमल खनालले श्रम ऐन, २०७४ लागु हुने नीजि तथा उद्योग कलकारखाना लगायतका क्षेत्रमा सार्वजनिक विदा दिन अनुरोध गरिएको बताएका छन् । श्रम ऐन, २०७४ मा भएको ब्यवस्था बमोजिम सार्वजनिक बिदा लागु नहुने भएकोले आगामी मंसिर ४ गते हुने निर्वाचनको महत्वपूर्ण अवसरमा सबै क्षेत्रमा लागुहुने गरी सार्वजनिक बिदाको ब्यवस्था गरिदिन गृह मन्त्रालयलाई जेटीयूसीसीले अनुरोध गरेको छ ।

जेटीयूसीसी नेपालका मान्यता प्राप्त सम्पूर्ण टे«ड युनियन महासंघहरुको साझा संस्था हो ।