वैदेशिक रोजगारको नामका कसैले प्रलोभनमा पारेको, रकम असुलेको, विदेशमा लगेर अलपत्र पारेको वा भिजिट भिसामा पठाएर ठगेको भएमा उजुरी दिन वैदेशिक रोजगार विभागले आग्रह गरेको छ । विभागले वैदेशिक रोजगार व्यवसाय सञ्चालनको इजाजतपत्र नलिई कुनै व्यक्ति, समूह वा संस्थाले त्यसरी ठगेको भएमा विभागमा जानकारी गराउन आग्रह गरेको हो ।

विभागका निर्देशक डम्बर बहादुर सुनुवारले त्यस्तो कार्य भएको भएमा विभागले हालै गठन गरेको शीघ्र प्रत्यूत्तर टोली (आरआरटी) को ईमेल र मोवाइल नम्वरमा जानकारी गराउन आग्रह गरेका छन् । यसरी सुचना दिने व्यक्तिको पहिचान गोप्य राखिने जनाइएको छ ।

समस्यामा परेकाहरुले rrt@fepgov.np वा dg@dofe.gov.np मा ईमेल गरेर वा मोवाइल नम्वर ९८५१३३४१०७ मा फोन गरेर जानकारी गराउन सक्नेछन् ।