![मेनपावर कम्पनीले ईजाजत रद्दका लागि दियो निवेदन, कसैले पैसा लिनु पर्ने भएमा सम्पर्क गर्न विभागको आग्रह](https://deshparadesh.com/wp-content/uploads/2015/09/DOFE.jpg)
वैदेशिक रोजगारमा नेपाली श्रमिक पठाउने काम गर्ने ईजाजत लिएको भवानी ईन्टरनेशनल ओभरसिजले आफ्नो इजाजत पत्र रद्दका लागि वैदेशिक रोजगार विभागमा निवेदन दिएको छ । सो मेनपावर कम्पनीले आफ्नो इजाजत पत्र रद्द गरी धरौटी वापतको रकम फिर्ता गर्न तथा बैंक ग्यारेण्टी फुकुवा गरी पाउँ भनी निवेदन दिएको हो ।
सो मेनपावर कम्पनीले इजाजत पत्र रद्दका लागि निवेदन दिएपछि विभागले सो विषयमा कसैको हक स्वामित्वा भएमा वा लेनदेनमा असर पर्ने भएमा वा कसैलाई मर्का पर्ने भएमा विभागमा सम्पर्क गर्न सूचित गरेको छ । त्यसका लागि चैत्र मसान्त भित्रमा विभागमा सम्पर्क राख्नु पर्नेछ ।