कतार स्थित नेपाली दूतावासले कतारमा अवैध रुपमा रहेका आप्रवासीहरुलाई वैध हुनका लागि कतार सरकारले हाल लागु गरेको व्यवस्था सम्वन्धी सचेतनामूलक कार्यक्रम आयोजना गरेको छ । गैर आवासिय नेपाली संघ (एनआरएनए) कतार सँगको साझेदारीमा दूतावासले सो कार्यक्रम आयोजना गरेको हो ।

कार्यक्रममा कतारले अवैधनिक रुपमा कतारमा बस्दै आएका आप्रवासीहरुलाई आफ्नो वसाईलाई वैधानिक बनाउन दिएको समय, अवशर तथा प्रकृयाका विषयमा जानकारी दिइएको थियो । कतारको आन्तरिक मामिला मन्त्रालयले यस्तो अवशर दिएको छ ।

कार्यक्रमको मुख्य उद्देश्य कतार सरकारले दिएको अवशकार बारेमा नेपाली श्रमिकलाई जानकारी दिनु रहेको थियो । हाइव्रिड रुपमा आयोजित कार्यक्रम मध्ये ३० जना एकैस्थलमा भेला भएका थिए भनें अन्य सहभागिहरु जुम मार्फत जोडिएका थिए । यसैगरी कार्यक्रमलाई फेसबुक मार्फत पनि प्रत्यक्ष प्रशारण गरिएको थियो ।

कार्यक्रममा कतारका लागि कार्यवाहक नेपाली राजदूत लक्ष्मण खनालले कतार सरकारले दिएको अवशरको सदुपयोग गर्न सवैलाई आग्रह गरेका थिए । उनले कार्यक्रमका सहभागिहरुलाई बसाईलाई वैधानिक बनाउन कतारले दिएको अवशरका विषयमा सकेसम्म धेरै नेपालीलाई जानकारी पुर्याउन पनि अनुरोध गरे ।

कार्यक्रममा एनआरएनए, कतारका अध्यक्ष मोहम्मद मुक्तदा मुसलमानले कतार सरकारले दिएको अवशरका बारेमा विस्तृमा जानकारी गराएका थिए । यसैगरी कतारका लागि नेपाली लेवर काउन्सेलर कृष्ण प्रसाद खनालले अवैधानिक रुपमा बस्दै आएकाहरुलाई कतार सरकारले बसाईलाई वैधानिक बनाउन थपेको समयावधिको महत्वका विषयमा प्रष्ट्याएका थिए ।