मलेसियामा सेक्यूरिटी गार्ड उपलव्ध गराउने कम्पनीहरुको छाता संस्था सेक्यूरिटी ईण्डस्ट्री एशोसिएसन अफ मलेसिया (पिआईकेएम) ले सुरक्षा गार्डहरुलाई प्राथमिकताका साथ अविलम्व कोरोना विरुद्दको खोप लगाउन सरकारसँग माग गरेको छ ।

पिआईकेएमका अध्इष रामली युसुफले मलेसियामा ९ सय वटा सेक्यूरिटी कम्पनीहरु रहेको र तिनिहरुले विभिन्न कम्पनीहरु तथा सरकारी निकायमा सुरक्षा गार्ड उपलव्ध गराउँदै आएको बताएको स्थानीय सञ्चार माध्यमले लेखेका छन् ।

एक लाख २० हजार भन्दा बढी सुरक्षा गार्डहरु आफ्नो कार्यक्षेत्रमा सुरक्षा प्रदान गर्न खटिने गरेको र समुदायको सुरक्षा गरिरहेका छन् उनले भने त्यसमध्ये बहुसंख्यक २५ देखि ६० बर्ष उमेर समुहका छन् । उनले बहुसंख्यक नेपाली सुरक्षा गार्ड रहेको र त्यसमध्ये हालसम्म धेरैलाई कार्यक्षेत्रमा रहेको समयमा कोभिडको संक्रमण नदेखिएको बताए । तर कोभिड १९ विरुद्दको खोप व्यवस्थापन गर्दै आएको निकायलाई पत्राचार गर्दै सुरक्षा गार्डहरुलाई खोपमा प्राथमिकता दिन आग्रह गरिएको र सरकारले आफूहरुको आग्रह सुन्ने अपेक्षा गरिएके रामलीले बताएको समाचारमा जनाइएको छ ।

उनले खोपका लागि अनलाइन मार्फत फारम भर्न सुझाव प्राप्त भएको पनि बताए । ७० हजार जति सुरक्षा गार्ड विभिन्न मल, बैंक, खुद्रा पसल तथा अन्य व्यवसायीक क्षेत्रमा खटिने गरेको भन्दै उनीहरुलाई खोप लगाउनु आवश्यक रहेको सो एशोसिएसनले तर्क गरेको छ । मलेसियामा अस्पताल, विद्यालय, सरकारी निकायमा थप ५० हजारको हाराहारी सुरक्षा गार्ड कार्यरत रहेको एशोसिएसनले जनाएको छ ।

सुरक्षा गार्डहरु अन्य सेवाग्राहीसँग नजिकमा रहेर काम गर्ने र उनीहरुलाई खाप दिइएमा मात्र ति सेवाग्राही पनि सुरक्षित हुने कुरा नभुल्न आग्रह गरिएको छ । यसैगरी सुरक्षा गार्डहरु पनि अग्रभागमा खटिएर काम गर्ने भएका कारण उनीहरुको सुरक्षामा ध्यान दिन आवश्यक रहेको एशोसिएसनले बताएको छ ।