होटल क्षेत्रमा कार्यरत श्रमिकलाई सामाजिक सुरक्षा कोषमा सूचिकरण गर्न होटल संघ नेपाल(हान) ले सदस्य सवै होटलहरुलाई परिपत्र गरेको छ । आइतवार हानले होटलम कार्यरत श्रमिकहरुको सूचिकरण गराउने दायित्व समेत सम्वन्धित रोजगारदाताकै हुने भएका कारण सूचिकरण गराउन आग्रह गरेको हो ।
हानको परिपत्रमा भनिएको छः सामाजिक सुरक्षा कोष ऐनमा सामाजिक सुरक्षा कोषमा सूचिकृत नहुनु नगराउनु र योगदान नगर्नुलाई कसुरको रुपमा परिभाषित भएको हुँदा पत्र प्राप्त भएको मितिले ३० दिनभित्रमा प्रत्येक होटलहरुले आफ्ना कामदार तथा कर्मचारीहरुलाई सामाजिक सुरक्षा कोषमा सूचिकरण गराउन जानकारी गराईन्छ ।
यसअघि गत माघ २२ गते बसेको हानको बैठकले सामाजिक सुरक्षा कोषमा कामदार तथा कर्मचारीलाई एक महिना भित्रमा सूचिकृत गर्ने निर्णय गरेको थियो ।
यो पनि पढ्नुहोस् वैदेशिक रोजगारमा सिकेको सीपको महत्व