काठमाडौं, मंसिर २९-

अन्तराष्ट्रिय आप्रवासी कामदार दिवस, २०१९ को अवसरमा बहराइनमा आयोजित साँस्कृतिक कार्यक्रममा नेपालको कौरा नृत्यले पहिलो पुरस्कार जितेको छ । स्थानीय बहराइन ट्रेड यूनियन(जिएफबिटीयू) ले आयोजना गरेको साँस्कृतिक कार्यक्रममा अन्य मुलुकका प्रतिस्पर्धीलाई पछि पार्दै नेपालको प्रस्तुतीले पहिलो पुरस्कार जितेको हो ।

जिफन्ट बहराइनका अध्यक्ष युवराज केसीले दिएको जानकारी अनुसार भारत, फिलिपिन्स, बंगलादेश, केन्या लगायतका मुलुकका प्रतिस्पर्धीलाई पछि पार्दै नेपालका गुनराज मगर र रेजिना चिनालले प्रस्तुत गरेको कौरा नृत्यले पहिलो पुरस्कार प्राप्त गर्यो  । सो नृत्य बुद्ध मोक्तानले कोरियोग्राफी गरेका थिए । नेपालका तर्फबाट प्रस्तुत सो नृत्य अन्तराष्ट्रिय कलाकार समाजले प्रस्तुत गरेको हो । 

आप्रवासी कामदार दिवसको अवसरमा आयोजित सो कार्यक्रममा खेलाइएका अन्य खेलहरुमा पनि अधिकाँश खेल नेपालीले नै जितेका थिए । सो अवसरमा भिजिट नेपाल २०२० को पनि प्रचार गरिएको केसीले बताए । सो अवसरमा नेपालीले अन्य गीतहरुमा सामुुहिक नृत्य गर्दै अन्तराष्ट्रिय आप्रवासी कामदार दिवस मनाएका थिए ।

यो पनि पढ्नुहोस वैदेशिक रोजगारमा रहँदा स्वास्थ्यमा ध्यान दिन आवश्यक