दोहा, मंसिर ५-

गैर आवासीय नेपाली संघको अधिवेशन सकिएसँगै एनआरएनको चहलपहल पनि सकिएको छ । कुमार पन्तको नेतृत्वमा मध्यपूर्बले प्रवक्तामा ओमानका डिबी क्षेत्री सहित सचिवमा कतारका आरके शर्मा पायो । साथै मध्यपूर्व संयोजकमा कतारका प्रबिण गुरुङ र सह-संयोजकमा यूएईका मनोज गोर्खाली चुनिएका छन् । सहसंयोजकमा साउदीका जोन अर्याल र युवा सह-संयोजकमा कतारका युवराज रेग्मी चुनिए ।

अधिबेशन पश्चात एनआरएन सबैको साझा बनोस र बन्नु पर्छ भन्नेमा आशावादी हुनुपर्दछ । चुनाव अघिका नकारात्मक कुराहरुलाई बिर्सने र सकारात्मक कुराहरुमा जोड दिदै मजदुरमैत्री एनआरएन बन्नु पर्छ भन्नेमा सबैले सहयोग गर्नु पर्दछ ।

मध्यपूर्बमा मात्र नभएर सम्पूर्ण एनआरएनले सही बाटो पक्रनु पर्नेमा दुईमत छैन । चुनावी माहोलमा हिजो जे भए अव परिष्कृत भएर सुधारेर अघि बढ्नु नै आजको आवश्यकता हो । ति गलत कदमहरु भोलिका दिनहरुमा दोहोरिनु हुन्न । नव निर्वाचित अध्यक्षले सफा र स्वच्छ एनआरएन बनाउने प्रतिवद्दता समेत जनाइ सकेका छन् । एनआरएनए आईसीसीको पहिलो बैठकले पनि यही निर्णय गरेको छ ।  पहिलो बैठकमा बैदेशिक रोजगारीमा गएका पीडितहरुको लागि १ करोड ६ लाख रुपैयाँ सहयोग गर्ने प्रतिवद्दता आएको छ । निर्णय एकदम सराहनीय छ । 

यति हुँदाहुँदै पनि सल्लाहकार नियुक्तिमा कही न कही एनआरएन चुकेको हो कि जस्तो देखिन्छ । अझै पनि केही नियुक्ति हुने प्रकृयामा छन् । नियुक्तिमा मध्यपूर्बबाट सिफारिसमा परेका नामावाली हेर्दा एनआरएनमा कुनै सुधार होला भन्ने गुञ्जाइस भने देखिन्न । निरास हुने ठाउँहरु धेरै छन् । कसरी कसलाई पाखा लगाउने भन्ने खेलमा आफ्नो चुनावी मैदानमा साम, दाम, दण्ड, भेदमा सहयोग पुर्याउने र पुर्याएका मनिसहरुको मात्रै भिड देख्दा मध्यपूर्बमा एनआरएनको भविष्य चिन्ताजनक देखिन्छ ।

• श्रम मन्त्रालय पुनः दलालको अखडा नबनोस्

मध्यपूर्बमा हाल कतार, यूएई, ओमान, कुबेत, साउदी अरब, बहराइन, जोर्डन, ईराक, ईजराइल, येमन, लेबनान र सिरिया गरेर १२ देशका एनआरएन एनसीसीहरु छन् । दुताबास नभएका देशहरुमा एनआरएनले राष्ट्रको प्रतिनिधित्व गरेको हुन्छ र दुतको भूमिकामा हुन्छ । यस्तो अवस्थामा कसैलाई मनोनित गर्दा वा सिफारिस गर्नु पर्दा अत्यन्तै सोचविचार गरेर सबैलाई समेट्न जरुरी हुन्छ । कम सकृय भएको देशमा भएका एनसीसीहरुलाई प्रोत्साहित गर्नु पर्ने हुन्छ ।

कतारबाट प्राप्त सिफारिस नामावलीमा मध्यपूर्बबाट मानार्थ सदस्यमा सिफारिस गरिएका १४ जना मध्ये ९ जना कतारका मात्रै छन् । यूएईका ३ जना, ओमान र कुबेतबाट १,१ सिफारिस गरिएका छन् । ती नामहरुमा केही पुराना तर निस्कृय ब्यक्ति छन् भने केही नयाँ तर एनआरएनको अर्थ, परिभाषा र सिद्दान्तमा भरखर चिरपरिचित हुँदै गरेकाहरु छन् । पुराना, अनुभवी र ईच्छुकहरुलाई पाखा लगाईए । सिफारिसमा पारिएन । एउटै एनसीसी देशबाट ९ जना सिफारिसमा पर्दा मध्यपूर्बका अरु ८ वटा एनसीसीहरु भने हेपिएका छन् । नामोनिसान मेटिने अवस्थामा पुगेका छन् ।

त्यसैगरी मनोनित सदस्य (कोएप्ट) सदस्यमा सिफारिस गरिएका ५ जना मध्ये साउदी अरब र कतारबाट २,२ जना छन् भने यूएईबाट १ जना रहेका छन् । १४ मध्यपूर्ब राष्ट्रका एनसीसीहरु मध्ये ७ वटा एनसीसी राष्ट्रहरुले एक जना पनि सदस्यले मानार्थ र मनोनित सदस्यमा पाउन सकेनन् । भौगोलिक र क्षेत्रीय हिसाबले उनिहरु ठगिए । अर्थात वर्तमान नेतृत्वले ठग्यो, हेप्यो । 

• यस्तो छ केपी शर्मा ओलीले रोजेका नयाँ श्रममन्त्री यादवको पृष्ठभूमि

यदि सिफारिस गरे बमोजिम मनोनित गर्दै जाने र अरुलाई उपेक्षा गर्ने हो भने यो कार्यकाल भरी मध्यपूर्बमा बढीमा ५ राष्ट्रमा एनसीसी बाँकी रहनेछन् । बाँकी आफैं निस्कृय हुनेछन् । मध्यपूर्बमा एनआरएनको शक्ती कमजोर हुनेछ । एनआरएनमा भएको मुखिया प्रबृत्ती र गुटबन्दीले मध्यपूर्बमा एनआरएन बिस्तारै कोमामा जाने सम्भावना बढ्ने छ । अहिलेको नियुक्तिले यसलाई थप मद्दत पुग्नेछ ।

एनआरएनए आईसीसीको पहिलो बैठकले सल्लाहकार समिति भन्दा माथि रहने गरी ुबिज्ञ समितीु बनाउने भन्ने निर्णय गरेको छ । उक्त समितिमा कस्ता बिज्ञले नियुक्ति पाउने छन् हेर्न बाँकी नै छ । सैद्दान्तिक रुपमा राम्रो निर्णय गर्ने तर कार्यन्वयन पक्ष फितलो हुने एनआरएनको पुरानै रोग हो । सक्षम र विज्ञलाई नै मनोनित गरेर उनीहरुको क्षमतालाई राष्ट्र निर्माणमा प्रयोग गर्नु राम्रो हो । तर विज्ञको नाममा आसेपासे र मध्यपूर्बमा बसेर दलालगिरी गर्नेहरु पनि मनोनितमा परे भने त्यो भन्दा दुर्भाग्य अर्को हुनेछैन । कोएप्ट र मानार्थ सदस्यहरुको सिफारिस हेर्दा त्यो भन्दा धेरै आशा गर्ने ठाउँ देखिन्न ।

एनआरएन मध्यपूर्ब नियुक्तिमा अल्मलिने बेला हैन । बरु मजदूरका समस्याहरुलाई जरै देखी मिल्क्याउन आक्रमक ढंगले लाग्ने बेला हो । मध्यपूर्बका जेलमा रहेका नेपालीहरुको उद्दारमा एनआरएन लागोस् । मध्यपूर्बका अस्पतालहरुको कोमा रहेका नेपालीहरुको उद्दारमा एनआरएन केन्द्रित होस । गुट उपगुट भन्दा माथी उठेर यस्ता बिषयहरुमा निर्णय गर्न सकेन भने नेतृत्व नै असफल हुने सम्भावना रहन्छ । नेतृत्वले मध्यपूर्बलाई कुनै एक देशको, कुनै गुट र उपगुटको बनाएर आफुलाई असफल बनाउने हो कि सबैलाई समेटेर सफल कार्यकाल बनाउने हो बेलैमा सोच्न जरुरी छ ।

यो पनि पढ्नुहोस् दलालको ताकत र विष्ट बहिर्गमनको सन्देश