![व्यवसायजन्य सुरक्षा तथा स्वास्थ्यको क्षेत्रमा नयाँ संस्था गठन](https://deshparadesh.com/wp-content/uploads/2019/11/SAN.jpg)
काठमाडौं, कात्तिक ३०-
व्यवसायजन्य सुरक्षा तथा स्वास्थ्यको संस्थागत संरक्षण, प्रवद्र्धन र विकास गर्ने उद्देश्यले यस क्षेत्रमा कार्यरत ब्यक्तिहरुको शनिवार काठमाडौंमा भएको भेलाले सेफ्टी एशोसिएसन अफ नेपाल (सान) नामक छाता संस्था गठन गरेको छ ।
एक सदस्य पछिबाट थप गर्ने गरी गठित संस्थाको तदर्थ समितिको संयोजकमा दुर्गा लाल शर्मा रहेका छन् । संस्थाको सह–संयोजकमा राजेश राजबाहक, सचिवमा कुलप्रसाद राई र कोषाध्यक्षमा सतिश अर्याल रहेका छन् । सदस्यहरुमा दीपक लामिछाने, युवराज दर्नाल, चिरञ्जिवी सापकोटा र नारायणप्रसाद चौंलागाई रहेका छन् ।
नेपालजस्तो विकासोन्मुख देशमा व्यवसायजन्य सुरक्षा तथा स्वास्थ्यको क्षेत्रमा कानूनी र नीतिगत ब्यवस्थाका साथै संरचनागत अभाव रहेको छ । यस प्रकारको रिक्ततालाई चिरी सवलरुपमा ब्यवसायजन्य स्वास्थ्य तथा सुरक्षा क्षेत्रको विकास गर्नका लागि नेपाल सरकारसँग सहकार्य र समन्वय गरी अघि बढ्ने उद्देश्य संस्थाको रहेको संयोजक शमौले बताए ।
यस क्षेत्रको उपयूक्त कानूनी तथा नीतिगत ब्यवस्थाको अभाव र त्यसका लागि कार्यान्वयन गर्ने सरकारी निकायमा संरचनागत ब्यवस्था नहुँदा जोखिमपूर्ण अवस्थामा मानिसहरुले कार्य गर्दै आइरहेका छन् । कुनै दूर्घटना भएमा त्यसबाट हुनसक्ने क्षतिलाई कम गर्नका लागि सरकार तथा सम्बद्ध सरोकारवाला निकायहरुलाई संस्थाले झक्झकाउने कार्य गर्ने जनाइएको छ ।