काठमाडौं, फागुन २६-

नेपाल एसोसिएसनका नाममा गैर आवासीय नेपाली संघ(एनआरएनए), युएईमा दर्ता भएको छ । सामाजिक संस्थाका रुपमा एनआरएनए यूएईको कम्युनिटी डेभ्लपमेण्ट अथोरिटी(सीडिए) मा दर्ता भएको हो । सो संस्थाको अध्यक्षमा एनआरएनए युएईका अध्यक्ष रमेश श्रेष्ठ छन ।

संस्था दर्ताको प्रयोजनमा सामाजिक, साँस्कृतिक, खेलकुद, सेवा सहयोग र मनोरञ्जन क्षेत्रको काम गर्ने उल्लेख  छ । एनआरएनए, युएईका अध्यक्ष रमेश श्रेष्ठले यसले नेपाली सामुदायलाई आगामी दिनमा युएईमा सार्वजनिक कार्यक्रम गर्न सहजता हुने विश्वास प्रकट गरे । “हामी सवै संस्थालाई मिलाएर लैजान्छौं” श्रेष्ठले भने “यो नेपाली समुदायका लागि ठूूलो कुरा हो ।” यसले नेपाली समुदायको बीचमा काम गर्न सजिलो हुने उनले बताए ।   

युएईमा संस्थागत रुपमा सार्वजनिक कार्यक्रम आयोजना गर्न सो संस्था स्थानीय रुपमा दर्ता हुनै पर्ने प्रावधान छ । विभिन्न संस्थाहरुले दर्ता नभर्ई सार्वजनिक कार्यक्रम गर्दै आएपनि स्थानीय प्रशासनले चाहेमा सो कार्यक्रमलाई रोक्न वा कार्यक्रम आयोजनाको विषयमा समेत प्रश्न उठाउँदै कानूनी रुपमा झण्झण्टमा पर्न सक्ने सम्भावना रहन्छ  । तर एनआरएनए, युएईलाई भनें अव सामाजिक कार्यका कार्यक्रमहरु आयोजना गर्न बैधानिक रुपमा सहज भएको छ ।