काठमाडौं, माघ २७-
उमेर १६ देखि ३५ वर्ष । घर अर्घाखाँची, मोरङ र नुवाकोट । तीन जिल्लाका २/२ जना गरी ६ जना नेपाली महिला भारतको दिल्लीमा फेला परे । माइती नेपालको सूचनामा दिल्ली महिला आयोगले छापा मारेर ६ जना नेपाली महिलाको उद्धार ग¥यो ।
माइती नेपाल, नेपालगञ्जका संयोजक केशव कोइरालाले उद्धार गरिएका ६ जना महिलालाई शुक्रबार नेपाल फर्काए । सबैलाई काठमाडौंस्थित केन्द्रिय कार्यालयमा पु¥याइएको छ ।
उद्धार गरिएका महिलालाई दलालले इराक लैजान थालेको थियो । घरको काम गर्नुपर्ने र मासिक ५० हजार रुपैयासम्म हुने दलालले आश्वासन दिएका थिए । नेपालबाट जादा सरकारले कडाई गर्ने भएकाले दिल्लीबाट जानु पर्ने भन्दै दलालले उनीहरुलाई त्यहाँ पु¥याएको थियो । ६ जनामध्ये चार जनालाई त दिल्लीबाट जानु गैरकानूनी हो भन्नेसम्म थाहा थिएन ।
पछिल्लो दिनमा दलालले नेपाली महिलाको गन्तब्य इराक बनाएका छन् । नेपाली महिलालाई इराकमा पु¥याउदा दलाललाई मोटो रकम हात पर्ने कोइरालाको भनाई छ । इराक पुग्ने नेपाली महिला भने जोखिममा पर्दछन् । ‘इराक उच्च जोखिमयुक्त ठाउँ हो त्यहाँ गएर दुःख पाएको निवेदनहरु आएका छन्, कोइरालाले भने, मोटो रकम पाउने भएकाले पछिल्ला दिनमा दलालले नेपाली चेलीलाई इराक पु¥याउने गरेका छन् ।’
केही दिनअघि मणिपुरको विभिन्न ठाउँबाट उद्धार गरिएका १ सय ७८ जनामध्ये धेरैजसोलाई इराक पु¥याइदै थियो । उद्धार गरिएका यी महिलालाई नेपाल ल्याउने तयारी भइरहेको छ । माइती नेपालका अध्यक्ष विश्वराज खड्कालगायतको टीमले उद्धार गरिएका महिलालाई नेपाल फर्काउने प्रक्रिया मिलाइरहेको छ । दलालले यी मध्येका केहीलाई बंगलादेश हुँदै विभिन्न देश लैजादै थिए ।
माइती नेपाल, नेपालगञ्जका संयोजक कोइरालाका अनुसार, दिल्लीबाट उद्धार गरिएका ६ जना महिला पनि यही समूहका हुन् । उद्धार गरेर नेपाल ल्याइएका दुई जनाले ‘यहाँ केही रोजगार छैन । के गर्ने ?’ भन्ने प्रतिक्रिया दिए । अरु चार जनाले भने यतै सीप सिकेर केही गर्ने इच्छा गरेका छन् ।
बढीजसो नेपाली महिलालाई कुवेत पु¥याउने गरिएकोमा अब इराक नयाँ गन्तब्य बनेको छ । खाडीमुलुकमा नेपाली महिलाको जोखिम भने बढ्दो छ । माइती नेपाल, नेपालगञ्जमा मात्रै एक वर्षमा ९ सय बढी खोजतलासको निवेदन आउने गर्दछ ।
कामका लागि खाडीमुलुक पुगेका चेलीहरु सम्पर्कविहीन भएपछि घरपरिवारले खोजतलासका लागि भन्दै माइती नेपाललगायत मानव बेचबिखनविरुद्ध काम गर्ने संघ संस्थामा निवेदन दिने गर्दछन् । नेपालगञ्ज नाकामा एक दर्जन संघ संस्थाले प्रहरीसँग मिलेर जोखिमपूर्ण यात्रालाई रोक्ने प्रयास गरेपनि दलालले कुनै न कुनै बहानामा नाका पार गराउने गरेको छ । नेपाल समाचारपत्रबाट
What’s your Reaction?
+1
+1
+1
+1
+1
+1
+1
तपाईलाई यो खबर पढेर कस्तो महसुस भयो ?
प्रतिक्रिया
सम्बन्धित खवर
