काठमाडौं, मंसीर १२-

काठमाडौको त्रिभुवन शिक्षण अस्पतालको रेष्पी वार्डको ७१५ नम्वर शौयामा मोरङ्ग पथरीशनिश्चरेका राम प्रसाद पोखरेल करिव एक महिना अघिदेखि उपचाररात छन् । स्क्रप टाइफस रोगले थलिएका पोखरेल विभिन्न अस्पताल र विभिन्न शैया हुँदै एक महिनायता शिक्षण अस्पतालमा उपचार गराउँदैछन् ।

वैदेशिक रोजगारबाट फर्केर नेपालमा ट्याक्सी चलाउन थालेका उनी ट्याक्सीमा मान्छे पुर्याउन वुटवल र पाल्पा पुगेका थिए । त्यहाँबाट फर्केर काठमाडौ आएपछि उनी विरामी परे । ट्याक्सी चलाएर ४ जनाको परिवार पाल्दै आएका पोखरेल विरामी भएपछि उपचारका लागि सुरुमा ग्राण्डी अस्पताल पु¥याइयो । जीवन वचाउन सकिएला कि भनेर महँगो उपचार गरायो परिवारले । १४ दिन त्यहाँ राखेर उपचार गरिएपनि पोखरेलको स्वास्थ्यमा सुधार भएन । ‘ग्रेण्डीमै उपचार गर्ने आर्थिक हैसियत पुगेन अनि शिक्षण अस्पतालमा उपचार सुरु गरियो उनकी श्रीमती चन्द्राले भनिन ।

पहिला नै सरकारी अस्पतालमा उपचारका लागि प्रयास गरिए पनि काठमाडौका अस्पतालमा भ्यान्टीलेटर ग्राण्डीमा मात्र उपलव्ध भएपछि उनको उपचार त्यहि थालिएको थियो । १४ दिन उपचार गर्दा उनको उपचारका लागि मात्र १२ लाख माथी खर्च भएपछि परिवार आत्तियो । उपचारका लागि साथीभाइ र आफन्तले आर्थिक सहयोग गरेपनि त्यो पर्याप्त भएन ।

सुरुवातमा निमोनियाको जस्तो लक्षण देखीए पनि उनको रोगको पहिचान स्क्रप टाइफस भन्ने प्रमाणीत भयो । शिक्षण अस्पतालमा अति शघन उपचार कक्षमा २८ दिन उपचार गरेपछि हाल चिकित्सकले पोखरेललाई वाडमा सारेर उपचार गरिरहेका छन् ।

रोजगारीका लागि कतार र साउदी अरेवियामा काम गरे उनले । १० वर्षसम्म खाडीमा गरेको रोजगारीबाट बचेको पैसाले ट्याक्सी किनेर चलाउँदै आएका थिए उनी । वैदेशिक रोजगारवाट फर्किएका नेपाली नै उनका यात्रु हुने गरेका थिए । काठमाडौका गेष्टहाउसको सम्पर्कमा आउने नेपालीका लागी लामो यात्राका लागि पनि उनी ट्याक्सी दौडाउने गर्ने गर्थे ।

उपचारमा हालसम्म ३० लाख भन्दा वढि खर्च भईसकेको उनको परिवारले जानकारी दिएको छ । ‘अहिलेसम्म त सवै ऋण छ कसरी पछि यत्रो पैसा तिर्ने भन्ने छ’ उनकी श्रीमती चन्द्राले भनिन ।

सुरुमा उनको स्वास फेर्न र खाना खान चिकित्सकले उनको घाटीमा प्वाल वनाएर उपचार गरेका थिए । अहिले पोखरेलले मुखैबाट नै खाना खान सक्ने भएका छन् । लामो समयसम्म अस्पतालमा उपचारारत पोखरेलको उपचारका लागि परिवारले अपिल गरेको छ ।