काठमाडौं, असोज ४-

नेपाल राष्ट्र बैंकले तोकेको विनिमय दर अनुसार विहिवार कतारी रियालको खरिदर ३१ रुपैंयाँ ७२ पैसा र विक्रि दर ३१ रुपैंयाँ ८८ पैसा छ । बुधवार ३२ रुपैंया पुगेको कतारी रियालको मूल्य विहिवार  केहि घटेको हो ।

यसैगरी युएई दिरहमको खरिददर ३१ रुपैंयाँ ४५ पैसा छ भनें विक्रि दर ३१ रुपैंयाँ ६१ पैसा छ । साउदी रियालको खरिददर ३० रुपैंया ८० पैसा छ भनें विक्रि दर ३० रुपैंयाँ ९६ पैसा छ । अमेरिकी डलरको मूल्यमा आएको बृद्धिसँगै बहुसंख्यक नेपाली रोजगारीका लागि जाने मुलुकहरुको मुद्राको मूल्यमा केहि समययता बृद्धि देखिएको छ ।

यसैगरी मलेसियन रिंगिटको खरिद दर २७ रुपैंयाँ ८८ पैसा छ भनें विक्रि दर २८ रुपैंयाँ २ पैसा छ । विगत लामो समययता कमजोर भएको रिंगिटको मूल्य विगत ६ महिनायता विस्तारै उकालो लागिरहेको छ । सोही क्रममा रिंगिट २८ रुपैंयाको आसपास नै छ ।

यसैगरी कुवेती दिनारको खरिददर ३८१ रुपैंया ३८ पैसा छ भनें विक्रि दर ३८३ रुपैंयाँ ३६ पैसा छ । बहराइन दिनारको खरिददर ३०६ रुपैंयाँ ३७ पैसा छ भनें विक्रि दर ३०७ रुपैंयाँ ९६ पैसा छ । नेपाल राष्ट्र बैंकले तोकेको दरमा वाणिज्य बैंकहरुले थोरै फेरवदल गरी मूल्य तोक्न पाउँछन् ।

यो पनि पढ्नुहोस् मलेसियामा विषाक्त मदिरा बेचेको आशंकामा ७ जना पक्राउ