काठमाडौं, असोज २-
श्रम मन्त्री गोकर्ण विष्टले कतारमा नेपाली श्रमिकको न्यूनतम ज्याला बृद्धि गर्न प्रस्ताव गरेका छन् । उनले नेपाली श्रमिकको वीमा लगायत सामाजिक सुरक्षा र श्रमिकले पाउने सेवा, सुविधा सुनिश्चित गर्न आग्रह गरे ।
नेपालका लागि कतारका राजदूत युसुफ वीन हमिद अल हायलसँगको भेटमा मन्त्री विष्टले शुन्य लागतमा नेपाली श्रमिक लैजान समेत प्रस्ताव गरे । उनले दुवै देशको सरकारी संयन्त्र तयार पारेर सोही माध्यमबाट कामदार छनौट र आपूर्ती गर्न आग्रह गरेको मन्त्रालयका प्रवक्ता प्रकाश दाहालले बताएका छन् ।
भेटमा मन्त्री विष्टले २४ घण्टे वीमाको व्यवस्था तथा व्यावसायजन्य स्वास्थ्य तथा सुरक्षा लगायतका विषयमा पनि नेपालको धारणा राखे ।
पुनः श्रम स्वीकृति अव विदेशस्थीत दूतावासबाट नै
भेटमा कतारका राजदुत हायलले कामदारको शून्य लागतको विषयमा कतार सरकार सकारात्मक रहेको, सामाजिक सुरक्षाको विषय उपयुक्त रहेको बताएको प्रवक्ता दाहालले बताए । यसैगरी उनले कतारमा घरेलु कामदारको अत्याधिक माग रहेको भन्दै नेपालले हाल रोक्का राखेको घरेलु कामदारको आपूर्तिलाई सहज बनाउन आग्रह गरेका थिए । उनले कामदारको सुरक्षाको विषयमा कतार सरकारले जिम्मेवारीपूर्वक अघि बढ्ने बताए ।
यो पनि पढ्नुहोस् यी ३ मादक पदार्थ जसले मलेसियामा लियो १५ जनाको ज्यान