काठमाडौं, असोज २-

मलेसियामा नेपाली सहित १५ जनाको ज्यान जानेगरी भएको विषाक्त मदिरा सेवनको घटनामा ३ वटा ब्राण्डका मादक पदार्थ प्रयोग भएको त्यहाँको प्रहरीले प्रारम्भीक रिपोर्ट सार्वजनिक गरेको छ । स्थानीय सञ्चारमाध्यमहरुका अनुसार ति विषक्त मादक पदार्थमा दुईवटा ब्राण्ड ह्वीस्की र एउटा वियर ब्राण्ड रहेको छ ।

सो मादक पदार्थ सेवन गरेर हाल अस्पतालमा भर्ना भएका विरामीहरुलाई उधृत गर्दै लेखिएको समाचारमा ति मदिराको ब्राण्ड मण्डाले तथा ग्राण्ड रोयल ह्वीस्की तथा किंग फिसर वियर रहेका छन् ।

मलेसियन प्रहरीका अनुसार सो मादक पदार्थ सेवन गरेका मध्ये  १५ जनाको मृत्यु भइसकेको छ भनें ३३ जनाको अस्पतालमा उपचार भइरहेको छ ।

हाल पहिचान भएका अस्पतालमा उपचाररत १९ जना मध्ये १५ जना नेपाली तथा दुई–दुई जना मलेसियन र बंगलादेशी नागरिक रहेका छन् । यसअघि मृत्यु हुनेमा पनि नेपालीको संख्या सवैभन्दा धेरै छ ।

यो पनि पढ्नुहोस् पुनः श्रम स्वीकृति अव विदेशस्थीत दूतावासबाट नै