सिताराम कट्टेल, (धुर्मुस)-

विदेशी भूमिमा, अर्काको देशमा दुःख गर्दा धेरै पीडाहरु भोग्नुपर्छ । कति नेपालीहरुको अवस्था त राम्रो पनि भएको छ । उहाँहरु राम्रोसँग बस्नु भएको छ । तर धेरैजसो त रातदिन दुःख गर्ने, पीडै पीडा, घरको समस्या झेलिरहनु भएको छ । आफ्नो भविष्य एकातिर तर बाध्यताले अर्काको देशमा पुगेर दुःख गर्नु परिरहेको छ । यसले उहाँहरुलाई दुःखी पनि बनाएको छ ।

यो सवै हुनुको कारण हिजोका दिनमा हाम्रो मुलुकमा राजनीतिक अस्थीरता हुनु नै हो भन्ने लाग्छ । तर अव मुलुकमा स्थीर सरकार आएको छ । यसले केहि गर्ला, आफ्नै देशमा रोजगारीका अवसरहरु बढ्लान् भन्ने अपेक्षा छ । आशा गरौं भोलीका दिनमा हाम्रा नेपाली दाजुभाई, दिदिबहिनीहरुले आफ्नै देशमा बसेर काम गर्ने वातावरण बन्नेछ ।  

म पछिल्लो केहि समययता स्टेज कार्यक्रमहरुका अलावा बस्तीहरु निर्माणको कार्यमा जुटिरहेको छु । ति बस्तीका बासिन्दाहरुको अवस्था हेर्दा त्यसले मलाई निक्कै भावुक बनाउने गरेको छ । त्यसैले कतिपयले भन्छन् हिजोआज धुर्मुस बढी नै भावुक भयो । ति बस्तीमा बस्ने मान्छेहरुसँग बस्दा, उहाँहरुका भोगाईलाई नजिकबाट अनुभूत गर्दा स्वभाविक रुपमा म भावुक भएको हुँ । तर मेरो मुख्य कर्म त कला नै हो । अर्को कुरा अहिले धेरै ठूलो उर्जा आइसकेको छ । तरंग आइसकेको छ । विकास भन्ने कुरालाई उत्सवका रुपमा लैजाने हो । सवैजना मिलेर गरौं है गरौं भन्दै लाग्यौं भनें असम्भव भन्ने कुरा केहि हुन्न ।

हिजोको दिन कस्तो थियो भन्ने कुरा त्यो बेलाको परिस्थीतिलाई छोडौं । म के अपिल गर्न चाहन्छु भनें नी हामी सवै जाग्यौं भनें हामी हाम्रो देश नेपाल आफैं बनाउन सक्छौं । सरकार पनि अत्यन्त सकारात्मक रुपमा र विभिन्न नयाँ नयाँ योजनाहरुका साथमा अगाडी बढिरहेको सन्दर्भमा त्यसैले हामी सवै नेपाली नागरिक, सरकार एकजुट भएर अगाडी बढ्यौं भनें देश बन्न धेरै समय लाग्दैन ।

हामी युवाहरु दिमागका धनी छौं । मनका धनी छौं । सोचका धनी छौं । सवै चिजले धनी हुँदा हुँदै पनि हामी विदेशी भूमिमा विभेद भोगिरहेका छौं । अव त्यसरी विदेशी भूमिमा विभेद नभोगौं । हामीले विदेशको सिष्टम सिक्यौं । विदेशको विकास देख्यौं । अव आफ्नो देश फर्कौं । आफ्नो देशलाई बनाउने अभियानमा जुटौं । धुर्मुसे त बनाउन सकिन्छ है मुलुक भनेर लागेको छ भनेंकेहि गर्न सक्छु भन्ने युवाहरु अगाडी बढ्नु पर्छ । यसमा कुनै अप्ठ्यारो आइपरेमा सरकारले पनि त्यसलाई हटाएर सहज बनाइदिनु पर्छ । त्यसो भयो भनें हाम्रो मुलुक बनाउन धेरै समय लाग्ने छैन ।

(कट्टेलसँग शनिवार विहान ९:१५ देखि १०:०० बजेसम्म प्रशारण हुने रेडियो कार्यक्रम सुनौलो मौकाका लागि श्रीधर पौडेलले गरेको कुराकानीमा आधारित । बैशाख ३, २०७५ मा प्रकाशित)

यो पनि पढ्नुहोस् ‘नेपालमा नै महिनामा ४०-५० हजार कमाई हुने काम यी हुन्’