काठमाडौं, चैत्र २७-

सरकारले वैदेशिक रोजगारीबाट फर्केर स्वदेशमा उद्यम गरी राष्ट्रिय उत्पादन र रोजगारीमा योगदान गरिरहेका उद्यमीलाई पुरस्कृत गर्ने भएको छ । यसका लागि आगामी बैशाख २० गतेभित्र आवेदन दिनुपर्ने श्रम तथा रोजगार मन्त्रालयले जनाएको छ ।

मन्त्रालयले वैदेशिक रोजगारीमा गई फर्किएर स्वदेशमा उद्यम गरी राष्ट्रिय उत्पादन र रोजगारीमा योगदान गरिरहेका उद्यमीलाई सम्मान गरी उनीहरुको योगदानको कदर र स्वरोजगारीमा नेपाली नागरिकलाई प्रोत्साहन गर्ने उद्येश्यले पुरस्कृत गर्न लागिएको जनाएको छ । सो सम्मानका लागि विदेशमा काम गरी फर्किएर नेपालमा उद्यम गरी आर्थिक विकासमा योगदान गरिरहेका र यस अघि उक्त कार्यक्रम अन्तर्गत सम्मानित नभएका उद्यमीहरुलाई विदेशमा काम गरी फर्केका उद्यमी राष्ट्रिय सम्मान तथा पुरस्कार व्यवस्थापन कार्यविधि, २०७३ को अनुसूचि २ अनुसारको स्वीकृत ढाँचामा आवेदन दिन मन्त्रालयले आग्रह गरेको छ ।

आवेदनका लागि भर्नुपर्ने फर्म हेर्न यहाँ क्लीक गर्नुहोस्

यो पनि पढ्नुहोस् विदेश पठाइदिने नाममा १८ जना युवाको ७ लाख ठगेर फरार