काठमाडौं, चैत्र २३-

गत आर्थिक वर्षको तुलनामा यो वर्ष मलेसिया जानेको संख्या बढेको छ। श्रम तथा रोजगार मन्त्रालयको तथ्यांकअनुसार चालु आवको फागुन मसान्तसम्म मात्र मलेसिया जानेको संख्या एक लाख पाँच हजार ५१ पुगेको छ। श्रम बजारमा कामदारको

माग बढेपछि रोजगारीका लागि मलेसिया जानेको संख्या बढेको बैदेशिक रोजगार विभागका निर्देशक इन्द्रदेव पाण्डेले बताए। “विकसित मुलुकमा श्रमिकको माग कम भएकै कारण विदेश जानेको संख्या पनि कम छ”, पाण्डेले भने।

विभागको तथ्यांकअनुसार मलेसियापछि दोस्रो नम्बरमा कतार छ। कतारमा यो वर्षमात्र ८१ हजार ३६४ जना गएका छन्।

आव २०७०-७१ मा मलेसिया जानेको संख्या २ लाख १४ हजार १ सय ४९ थियो भने आव २०७२-७३ मा ६० हजार ९ सय ७९ मात्र थियो । अघिल्लो वर्षको तुलनामा भने यो वर्ष मलेसिया जानेको संख्या बढी हो।

त्यस्तै २०७०-७१ मा कतार जानेको संख्या एक लाख २८ हजार ८ सय ७४ थियो भने आव २०७२र७३ मा एक लाख २९ हजार ३८ पुगेका थिए। रासस