काठमाडौं, चैत्र ८-

श्रम तथा रोजगार मन्त्री गोकर्ण बिष्टले बैदेशिक रोजगार विभागमा दरवन्दी भन्दा बढी भएर रहेका वा सरुवा भएर पनि अन्यत्र जान नमानेका कर्मचारीको हाजिर रोक्न निर्देशन दिएका छन् । उनले विभागलाई आज(विहिवार) निर्देशन दिंदै दरबन्दीमा रहेका बाहेकका कुनै पनि कर्मचारीलाई हाजिर नगराउन निर्देशन दिएका हुन् । यस बारेमा विहिवार  नै नयाँ पत्रिकाले समाचार लेखेको थियो ।

मन्त्री निकट श्रोतका अनुसार उनले विभागको ताहचल कार्यालयमा दरबन्दीभन्दा बढी रहेका १६ जना कर्मचारीलाई हाजिर नगराउन निर्देशन दिए । पहुँचका आधारमा कमाउ ठाउँबाट बाहिर जान अटेरी गरेको भन्दै समाचार सार्वजनिक भएकै दिन मन्त्री विष्टले उनीहरुको हाजिर रोक्का गरेका हुन् ।

खटाइएको ठाउँमा नगएका कर्मचारीहरू

१ लोकेन्द्रबहादुर रावल – नायब सुब्बा

२ कुमारबहादुर कटवाल – नायब सुब्बा

३ रवीन्द्र घिमिरे – नायब सुब्बा

४ राजन घिमिरे – नायब सुब्बा

५ गौरीकुमारी कार्की – नायब सुब्बा

६ लक्ष्मण गुरागाईं – नायब सुब्बा

७ केदार घिमिरे – नायब सुब्बा

८ यज्ञप्रसाद आचार्य – नायब सुब्बा

९ यज्ञबहादुर ओली – नायब सुब्बा

१० विद्याप्रसाद जैसी – नायब सुब्बा

११ सुमन पौडेल – नायब सुब्बा

१२ सधुकर डाँगी – नायब सुब्बा

१३ डम्बरबहादुर विश्वकर्मा – कम्प्युटर अधिकृत

१४ भवानी थपलिया – कम्प्युटर अधिकृत

१५ रञ्जु दाहाल – कार्यालय सहयोगी 

१६ तुलसीमान मर्हजन – कार्यालय सहयोगी