क्वालालम्पुर, फागुन २७-

ईण्डोनेशियाको बाली पुगेर फर्किने क्रममा मलेसियामा नेपालीसँग भेटघाटमा रहेका नयाँ शक्तिका संयोजक बाबुराम भट्टराईलाई त्यहाँ कार्यरत नेपालीले मलेसियाबाट नयाँ कुरा सिक्न आग्रह गरेका छन् । नेपालीसँगको अन्तरक्रियाका क्रममा भट्टराईलाई नेपालीले विभिन्न सुझाव दिए ।

भट्टराईको सम्वोधन सुनिरहेका दिपेन्द्र आलेले उनलाई मलेसियाको बाटो हेरेर नै यहाँको समृद्धि आँकलन गर्न सकिने बताए । उनले मलेसियाको सिष्टम सिकेर जान पनि सुझाव दिए । सुरेश बहादुर खडायतले विकास गर्ने मान्छेले विकास गरेर हेर्ने तर नेपालका नेताजति चाहिं विकास गरेको हेर्दै हिड्ने गरेको गुनासो गरे ।

कृष्ण देवानले चाहिं नेपाली नेताहरुले विश्व भ्रमण गर्ने, त्यहाँका नयाँ कुरा सिकेर आफू परिवर्तन हुने तर मुलुक र आम नेपालीको जीवनमा कुनै परिवर्तन नगर्ने गरेको भन्दै गुनासो गरे । उनले मुलुक र नागरिकको लागि कहिले सोच्ने भन्ने जिज्ञासा राखे ।

एनआरएनए, मलेसियाले आयोजना गरेको छलफल कार्यक्रममा बोल्दै पूर्व प्रधानमन्त्री समेत रहेका भट्टराईले आफू मलेसियामा कसरी विकास भयो र नेपाल किन पछि पर्यो भन्ने अध्ययन गर्न मलेसियामा धेरैसँग छलफलमा रहेको बताए । उनले झण्डै ५ ७ लाख नेपाली कार्यरत मुलुकमा कार्यरत नेपालीले पनि मलेसियाबाट धेरै कुरा सिक्न आवश्यक रहेको बताए ।

एनले हाम्रै जीवनकालमा परिवर्तन सम्भव छ भन्दै यसको उदाहरण मलेसिया नै भएको धारणा राखे । उनले सपना देख्न छोड्नु नहुने भन्दै यसले समृद्धि तर्फ लैजाने धारणा राखे । उनले जवसम्म देश गरिव हुन्छ, त्यतिबेलासम्म ईज्जत प्राप्त गर्न सकिन्न भन्दै समृद्धि प्राप्ती नै पहिलो एजेण्डा हुनुपर्ने बताए । समृद्धि प्राप्त नभएसम्म जुनसुकै मुलुकमा पुगेपनि ईज्जत प्राप्त गर्न सकिन्न भन्दै यसका लागि सवै जुट्न आवश्यक रहेको धारणा राखे ।

श्रम बेच्न विदेशमा जाने प्रचलन संसारभर रहेको भन्दै भट्टराईले कसैले पनि बैदेशिक रोजगारमा आउनु परेकोमा हिनतावोध गर्न आवश्यक नरहेको बताए । यो प्रचलन भोलीका दिनमा पनि जारी रहने भन्दै अवशरको खोजिमा सवै लाग्ने बताए । दैनिक रुपमा एकजना नेपालीको मलेसियामा ज्यान गइरहेको भन्दै त्यसलाई कम गर्न के गर्नुपर्छ, त्यसका लागि हामीले गर्नुपर्ने कामका लागि आफूले प्रयत्न गर्ने भट्टराईले बताए ।

उनले नेपालमा विदेशी लगानी नभई नहुने भन्दै त्यसका लागि मलेसियाका लगानीकर्तालाई उत्प्रेरित गर्न आवश्यक रहेको धारणा राखे । यसले भोली नेपालमा नै रोजगारीको अवशर सिर्जना हुने धारणा राखे । यसले हालको श्रम निर्यातको अवस्था अन्त्य भई बस्तु निर्यात गर्न सकिने भट्टराईको भनाई थियो । उनले राजनीतिकर्मीहरु सुझाव दिन आग्रह गर्दै मलेसिया कार्यरत बहुसंख्यक नेपालीसँग आफूले भेट्न खोजिरहेको बताए । 

यो पनि पढ्नुहोस् हामी अलपत्र भयौं, नेपाल फर्काइदेउ