काठमाडौं, फागुन २१-

युवाहरू रोजगारीको खोजीमा बिदेसिने क्रम बढ्दो छ । आफ्नै देशमा श्रम र मेहनत गर्ने युवा थोरै संख्यामा छन् । तर, पछिल्लो समय तेह्रथुमका युवा व्यावसायिक पशुपालन गरी दूध बिक्रीतर्फ आकर्षित हुन थालेका छन् ।

यस्तै युवामध्येका एक हुन छथर गाउँपालिका–१ आङदिमका युद्धलक्ष्मण भट्टराई । उनी बिहानदेखि साँझसम्म पशुपालन व्यवसायमै सक्रिय हुने गरेका छन् । बिहानको समय उनको दैनिकी दूध दुहुनुमै वित्छ ।

उनले उत्पादित दूध नजिकैको जालपादेवी दुग्ध सहकारीमा पु¥याएर बिक्री गर्ने गरेका छन् । दुई वर्षदेखि गाईपालन गरेका उनले दूध बिक्रीबाटै मासिक ४० देखि ४५ हजार रुपैयाँ आम्दानी गर्दै आएका छन् ।

इलामबाट ६ वटा उन्नत जातका गाई ६ लाख रुपैयाँमा खरिद गरी उनले फर्म सुरु गरेका हुन् । दैनिक ३० देखि ३५ लिटर दूध बिक्री गर्दै आएका उनले दूधका लागि बजारको कुनै समस्या नभएको बताए ।

उनीजस्तै जिल्लाको पश्चिमी क्षेत्रमा व्यवसायिक गाईपालनका लागि फर्म दर्ता गर्नेको संख्या बढ्दै गएको जिल्ला कृषि कार्यालय तेह्रथुमले जनाएको छ । कार्यालयका अनुसार यस क्षेत्रमा मात्र उन्नत जातका गाईपालनका आधा दर्जन फर्म सञ्चालनमा छन् । कारोवारबाट

यो पनि पढ्नुहोस् कतारमा नेपाली पानी ल्याउने प्रयास सुरु