काठमाडौं, फागुन २०-

गैरआवासीय नेपाली संघ(एनआरएनए), महिला फोरमको आयोजनामा अछाम जिल्लाको मंगलसेनमा आङ खस्ने समस्या भएका महिलाहरुको लागि छैठौं निःशुल्क स्वास्थ्य शिविर र पहिलो नाक कान घाटी स्वास्थ्य शिविर सञ्चालन भएको छ । महिला शिविरमा पाठेघर समस्या भएका २ सयजना भन्दा बढी महिलाहरुले जाँच गराएका थिए । यसैगरी नाक, कान घाँटी सम्वन्धि शिविरमा ५ सयजना भन्दा धेरै महिला, पुरुष र बालबालिकाहरुले स्वास्थ्य जाँच गराए ।

शिविर उद्घाटन सत्रमा कार्यक्रमका प्रमुख आतिथि मंगलसेन नगरपालिकाका उपमेयर सिरता उपाध्यायले यस प्रकारको स्वास्थ्य शिविर संचालन गरेकोमा एनआरएनए, महिला फोरमलालाई  धन्यवाद प्रकट गरिन् । कार्यक्रममा विभिन्न वक्ताहरुले जनचेताना मुलक शिविर सञ्चालन गरेकोमा महिला फोरमको प्रशंसा गरेका थिए । 

कार्यक्रमका सभापति महिला फोरमका संयोजक रजनी प्रधानले महिला फोरमका गतिविधिहरुका बारे जानकारी दिनुका साथै शिविरमा संलग्न चिकित्सकहरु, मंगलसेन अस्पतालका अध्यक्ष लगायत स्वास्थ्य कर्मीहरु र मंगलसेनमा भएका सरोकारवाला संघ संस्थाहरुको सहयोग प्रति हार्दिक आभार प्रकट गरिन् ।

पाठेघर समस्या भएका महिलाहरुका लागि नवजीवन अस्पातालका चिकित्सिक डा. जयराम केसीका साथै उनीसँग गएको टोलीले स्वास्थ्य परिक्षण गरेका थिए । यसरी नै नाक कान घाटी समस्या भएका विरामीहरुका लागि वीर अस्पताल तथा काठमाडौ अस्पतालका नाक कान घाटिका विशेषज्ञ डा. जयन्द्र प्रधानाङ्ग र उनको टोलीले परिक्षण गरेका थिए ।

यो पनि पढ्नुहोस् कुवेत हुँदै साउदी जान्छु भनेकी कमला बर्षौंदेखि बेपत्ता