अबुधावी, माघ २१-

युएईमा रोजगारीका लागि आउन चाहनेहरुले अनिवार्य रुपमा प्रहरीद्धारा प्रमाणित चारित्रिक प्रमाणपत्र पेश गर्नुपर्ने नियम आज(फेब्रुअरी ४ तारिक) देखि लागु भएको छ । आइतवार देखि लागु भएको सो नियमले अव युएईमा रोजगारीका लागि आउनेहरुले प्रहरी रिपोर्ट पेश गर्नुपर्ने भएको हो । युएईले सुरक्षा व्यवस्था राम्रो बनाउन भन्दै यस्तो व्यवस्था गरेको हो ।

युएई सरकारले गत महिना युएईको सुरक्षा व्यवस्था मजबुत बनाउन भन्दै यो व्यवस्थाको घोषणा गरेको थियो । त्यसैले अव युएईमा रोजगार अनुमति प्राप्त गर्न प्रहरी रिपोर्ट अनिवार्य रुपमा बुझाउनु पर्दछ ।

यसका लागि सम्वन्धित मुलुकमा रहेका व्यक्तिले सोही मुलुकको प्रहरीबाट त्यस्तो रिपोर्ट बनाएर पेश गर्नुपर्नेछ भनें अन्य मुलुकमा ५ बर्षदेखि बसिरहेको भएमा सोही मुलुकको प्रहरीले यस्तो रिपोर्ट दिएको हुनुपर्नेछ । त्यस्तो प्रमाणपत्र अनिवार्य रुपमा या त सम्वन्धित मुलुकमा रहेको युएईको कुटनीतिक नियोग(दूतावास लगायत) वा युएईको विदेश मन्त्रालयले प्रमाणिकरण गरेको हुनुपर्नेछ । यसले आगामी दिनमा युएईमा रोजगारी गर्न आउनेहरुलाई झण्झाट थपिने युएईमा १० बर्षभन्दा लामो समय रोजगारी गरेर स्वदेश फर्केका मकवानपुरका टीकाराम श्रेष्ठ बताउँछन् । 

यो पनि पढ्नुहोस् बरदुबईको लभ डाडो रक्सिको अखडा !