नवलपरासी, पुष २६-

बैदेशिक रोजगारीको क्रममा अभिभावक गुमाएका नवलपरासीका २ जना छात्रलाई छात्रवृत्ति प्रदान गरिएको छ । सेण्टर फर माइग्रेसन एण्ड ईन्टरनेशनल रिलेशनले उपलव्ध गराएको छात्रवत्ति एक कार्यक्रम आयोजना गरी हिमालयन सामुदायिक बिकाश मञ्च हिकोडेफ कावासोतीले वितरण गरिएको हो ।

वैदेशिक रोजगार प्रवद्र्धन बोर्डले उपलव्ध गराउने छात्रवृत्तिको मापदण्डमा नपरेका हुप्सेकोट ४ का चेतप्रसाद झेडी र गैडाकोट नगरपालिका १५ का छबिलाल गुरुङलाई सो छात्रवृत्ति प्रदान गरिएको हो । छबिलालका वुवा सन्तोष गुरुडको कामको सिलसिलामा मलेशियामा र चेतप्रसादका बुवा रन बहादुर झेडीको साउदी अरेबियामा मृत्यु भएको थियो । 

अघिल्लो बर्षबाट शुरु गरिएको छात्रवृत्ति कार्यक्रममा ४ जना सहभागि थिए । त्यसमध्ये २ जना विद्यार्थी प्रवद्र्धन बोर्डको छात्रवृत्ति कार्यक्रममा सहभागी भएपछि यसबर्ष गुरुङ र झेडीलाई मात्र सहयोग गरिएको हो । 

यो पनि पढ्नुहोस व्यक्तिगत श्रम स्वीकृतिका लागि अनलाइन टोकन प्रणाली सुरु