मोरङ, पुष ९-

अन्तराष्ट्रिय आप्रवासी कामदार दिवसको सन्दर्भमा ‘आप्रवासन र महिला’ विषयक नगरस्तरीय अन्तरकृया सम्पन्न भएको छ । वैदेसिक रोजगारबाट फर्केर आएकाहरुको सञ्जालको आयोजना तथा ओरेक नेपालको सहयोगमा उर्लावारी नगरपालिकामा सो कार्यक्रम आयोजना भएको हो ।

सो अवशरमा आप्रवासी कामदार दिवसको सन्दर्भ र महिलासँग जोडिएका विषयका बारेमा ओरेक नेपालका तर्फबाट शोभा बजगाईंले प्रष्ट पारिन् । कार्यक्रमकी प्रमुख अतिथी उर्लावारी बहुमुखि क्याम्पसकी उप–प्रध्यापक भिष्म कुमारी रेग्मीले विकास भनेको भौतिक पूर्वाधारको विकास मात्र नभई सामाजिक रुपान्तरण महत्वपुर्ण भएको बताएन् । उनले यसका लागि नगरपालिकाले कार्यक्रम तथा योजना निर्माण गर्नुपर्ने भन्दै त्यसका लागि जनप्रतिनिधिको मुख्य भूमिका हुने धारणा राखिन् । 

सो अवशरमा उर्लावारी नगरपालीका वडा न ४ कि वडा सदस्य श्री देविकला राई तथा दलित महिला सदस्य श्री राम कुमारी विकले नगरपालिकाको तर्फबाट आप्रवासन र महिला शसक्तिकरणको शिर्षकमा बजेट विनियोजनका विषयमा आफूहरु आगामी दिनमा संवेदनशिल हुने प्रतिवद्धता जनाए ।

यसैगरि छलफलको क्रममा सहभागिको तर्फबाट मनमाया धिमालले वैदेसिक रोजगारमा जाँदा यति धेरै सावधानी अपनाउनु पर्ने रहेछ भन्ने कुरा बल्ल थाहा पाएको बताइन् । उनले आफ्नो श्रीमान हाल बैदेशिक रोजगारको क्रममा भएपनि आफूलाई कागजातको महत्व लगायतका बारेमा पहिले थाहा नभएको र कार्यक्रम पश्चात यस बारेमा बुझेको बताइन् । 

यसैबीच सोही दिवसको सन्दर्भमा आप्रवासन र युवा विषयक गाउँपालिकास्तरीय अन्तरक्रिया कार्यक्रम सम्पन्न भएको छ । कानेपोखरी गाउँपालिकामा आयोजित सो कार्यक्रममा पनि ओरेक नेपालकी शोभा बजगाईंले आप्रवासन र युवाका विषयमा अवगत गराइन् ।

सो अवशरमा प्रमुख अतिथिका रुपमा बोल्दै वडा अध्यक्ष तथा कानेपोखरी गाउँपालिकाका प्रवत्ता सुशील बुढाथोकीले आप्रवासनको विषयलाई गाउँपालिकाले प्राथमकिता दिएर आरके नेपालसँग मिलेर  काम गर्ने बताए । उनले वैदेसिक रोजगारीमा जाने व्यक्ति र तिनिहरुका परिवारले यसका बारेमा धेरै कुरा बुझ्न आवश्यक रहेको बताए ।

यसैगरी इलाका प्रहरी कार्यालय, रमाइलोका प्रमुख हरीनाारणण राजवंशीले वैदेसिक रोजगार केन्द्रित मुद्दाहरु धेरै नआउने गरेको बताए । उनले ठगिमा परेका महिलाहरुले खुलेर आफ्ना सवालहरु राख्नसक्ने अवस्था पनि नभएकोले झन ठगिमा परिरहेको धारणा राखे । 

यो पनि पढ्नुहोस् अवैधानिक रुपमा बसिरहेका कामदार पक्राउ तिव्र, केहि रोजगारदाताहरु पनि समातिए