काठमाडौं, कात्तिक १७- 

नेपाल राष्ट्र बैंकले तोकेको विनिमय दर अनुसार शुक्रवार कतारी रियालको खरिदर २८ रुपैंयाँ ३१ पैसा र विक्रि दर २८ रुपैंयाँ ४८ पैसा रहेको छ । युएई दिरहमको खरिददर २८ रुपैंयाँ ७ पैसा छ भनें विक्रि दर २८ रुपैंयाँ २३ पैसा छ । 

यसैगरी साउदी रियालको खरिददर २७ रुपैंया ४९ पैसा छ भनें विक्रि दर २७ रुपैंयाँ ६५ पैसा रहेको छ । मलेसियन रिंगिटको खरिद दर २४ रुपैंयाँ ३७ पैसा छ भनें विक्रि दर २४ रुपैंयाँ ५१ पैसा छ । कुनै समयमा ३० रुपैंया भन्दा माथि रहेको रिंगिट घटेर २३ मा आइपुगेको थियो । लामो समयपछि बल्ल रिंगिट २४ रुपैंयाँ उकालो लागेको छ । यसले मलेसियामा कार्यरत नेपालीलाई राहत दिएको छ । 

कुवेती दिनारको खरिददर ३४० रुपैंया ६५ पैसा छ भनें विक्रि दर ३४२ रुपैंयाँ ६३ पैसा छ । बहराइन दिनारको खरिददर २७३ रुपैंयाँ २ पैसा छ भनें विक्रि दर २७४ रुपैंयाँ ६१ पैसा छ । नेपाल राष्ट्र बैंकले तोकेको दरमा वाणिज्य बैंकहरुले थोरै फेरवदल गरी मूल्य तोक्न पाउँछन् ।