दिपक पुडासैनी, दोहा आदिकवि भानुभक्त आचार्यको २०३ औ जन्मजयन्तिको अवसरमा अन्तराष्टिय साहित्य समाज कतार शाखा तथा नबोदित साहित्यिक वाचनालय कतारले अनेसास नबोदित साहित्यिक वाचन श्रृंखलाको ७१ औ डबली दोहामा सम्पन्न गरेको छ ।

नबोदित साहित्यिक वाचनालय कतारका अध्यक्ष सिताराम थापाको अध्यक्षतामा सम्पन्न उक्त कार्यक्रममा आदिकवि भानुभक्तको बारेमा परिचय प्रस्तुत गरिएको थियो । सो अवशरमा डेढ दर्जन भन्दा बढी सर्जकहरुले आआफ्ना रचना वाचन गरेका थिए ।

कार्यक्रममा कतारमा स्थापित बिभिन्न संघ संस्थाका प्रतिनिधीहरुले भाषिक रुपमा नेपाललाई एकताको सुत्रमा बाँध्ने आदिकविको मुक्तकण्ठले प्रशंसा गरेका थिए ।

लेख कार्की भए अध्यक्ष

सोहि कार्यक्रममा नबोदित साहित्यिक वाचनालय कतारको नबौ अधिबेशन पनि सम्पन्न भयो । अधिबेशनले लेख कार्कीको अध्यक्षतामा १७ सदस्यीय नयाँ कार्यसमिती चयन गरेको छ । कार्यसमितीका अन्य पदाधिकारीहरुमा प्रथम उपाध्यक्ष ईश्वर शाही, द्धितिय उपाध्यक्षमा टिका खड्का, मोवाइल पुस्तकालय संयोजक दिप मिलन, महासचिव दिलीप पराजुली, सचिव राजन लामा, कोषाध्यक्ष ईश्वर राई र सह–कोषाध्यक्षमा चक्र कार्की निर्बिरोध निर्बाचित भएका छन ।

त्यसैगरी सदस्यहरुमा जनकराज सापकोटा, तिलु शर्मा, बिन्दा लामा, लिलानाथ घिमिरे, रुप रसाइली, शेखर बस्नेत, बसन्त भुजेल, सन्तोष अधिकारी र दीपप्रदिप कुमार निर्बिरोध निर्बाचितभएका छन ।

नबोदित कृति अवार्ड बिनोद खड्काको ओलालाई

सोहि समारोहमा नवोदित कृति अवार्ड समेत घोषणा तथा बितरण गरियो । नबोदित साहित्यिक वाचनालय कतारले हरेक दुई दुई बर्षमा प्रदान गर्दै आईरहेको नबोदित कृति अवार्ड यस पटक बिनोद खड्काको नियात्रा संग्रह ओलाले पाएको छ । कतारमा रहेर बिभिन्न बिधाका पुस्तक प्रकाशन गर्ने सर्जकहरु मध्येबाट निर्णायक मण्डलको छनौट आधारमा यो कृति अवार्ड बितरण हुँदै आएको छ । यस पटक कृति अवार्डका लागि ६ पुस्तक प्रतिस्पर्धामा थिए ।

नियात्रा संग्रह ओलामा लेखकले घुमेका ६ महादेश २९ देशका ५० भन्दा बढी शहरमा घुम्दा देखेका भोगेका र अनुभव गरेका झण्डै ४ दर्जन अनुभवहरु समेटिएका छन ।

सर्जक सम्मान सुनुवार र भट्राईलाई

कतारमा बसेर निरन्तर साहित्यमा आफुलाई समर्पित गर्नेहरु मध्येबाट २ जनालाई सर्जक सम्मान २०७४ ले सम्मानित गरिएको छ । यसरी सम्मानित हुनेहरुमा सर्जकद्धय भानु सुनुवार र प्रेम प्रसाद भट्राईलाई सम्मान गरिएको छ । अन्तराष्टिय साहित्य समाज कतार शाखा र नबोदित साहित्यिक वाचनालय कतारले उक्त सम्मान गरेको हो ।