नवलपरासी, असार ११-

नवलपुर क्षेत्रका नवनिर्वाचित जनप्रतिनिधिहरुलाई बैदेशिक रोजगारी सम्बन्धी अभिमुखीकरण तथा सम्मान कार्यक्रम सम्पन्न भएको छ । नवलपुर क्षेत्रका मेयर उपमेयर, गाउँपालिका प्रमुख, उपप्रमुख तथा कावासोती नगरपालिकाका १७ वटा वडाका वडाध्यक्षहरुको कार्यक्रममा उपस्थीती थियो ।

हिमालयन सामुदायिक विकाश मञ्च (हिकोडेफ) र ईन्द्रणी सामाजिक बिकाश मञ्च पञ्चनगरको संयुक्त आयोजनामा भएको कार्यक्रममा बैदेशिक रोजगारीमा जाने युवाले सचेत हुनुपर्ने कुराका साथै बैदेशिक रोजगारीका क्रममा देखिएका ठगीका घटनाको बिषयमा छलफल भएको थियो । 

सोही अवशरमा साउदीमा सवारी दुर्घटना हुँदा २ जनाको मृत्यु भएको कारण ब्लडमनिको फौसला सुनाईएका मध्यबिन्दु नगरपालिकाका थानेश्वर भुषालको घटनाका बिषयमा स्थानिय निकायले गर्न सक्ने भूमिकाको बिषयमा पनि छलफल भएको थियो ।

कार्यक्रम पछि बोल्दै हुप्सेकोट गाउँपालिका अध्यक्ष लक्ष्मी पाण्डेले थानेश्वरको समस्याको बिषयमा आफुहरुले गर्न सके जतिको सहयोग गर्ने प्रतिबद्धता जनाइन् । उनले युवाहरुलाई सचेतना गर्ने काममा अग्रणी भूमीका खेलेको सामी परियोजना, हिकोडेफ र ईन्द्रणीको कामको प्रशंशा गदै बैदेशिक रोजगारीलाई आफुहरुले गम्भीरताका साथ हेरेको र यसलाई ब्यवस्थीत र मर्यादीत बनाउन सकेसम्म काम गर्ने प्रतिबद्धता जनाइन् । 

कार्यक्रममा कावासोती नगरपालिकाका उपमेयर प्रेम शंकर मर्दनिया, मध्यबिन्दु नगरपालिका उपमेयर ओम कुमारी महतो, कावासोती नगरपालिका १ का वडाध्यक्ष नारयण पन्त लगायतले बोलेका थिए ।

एनजिओ फेडेरेशनका जिल्ला अध्यक्ष बद्रीनाथ नेपालको प्रमुख आथित्यतामा सम्पन्न कार्यक्रममा आप्रवाशी कामदार हकहित संरक्षण मञ्चका अध्यक्ष बल बहादुर थापाले नवनिर्वाचित प्रमुख उपप्रमुखहरुलाई बैदेशिक रोजगारलाई सुरक्षित र मर्यादित बनाउन ज्ञापन पत्र बुझाउदै पुनः स्मरण गराएका थिए ।

हिकोडेफका उपाध्यक्ष कमला ढाडाको अध्यक्षतामा सम्पन्न भएको कार्यक्रममा सामी परियोजनाकी जिल्ला संयोजक उमाकला शर्माले बैदेशिक रोजगारीको वर्तमान अवश्थाको बिषयमा जानकारी गराएकी थिइन् । 

यो पनि पढ्नुहोस् 

थाहै नपाएको अवस्थामा क्षतिपूर्ति मिल्यो ९ लाख