रञ्जना लम्साल, नवलपरासी, जेठ २८-

नवनिर्वाचित वडा प्रतिनिधिहरुलाई बैदेशिक रोजगारी सम्बन्धी अभिमुखीकरण कार्यक्रम सम्पन्न भएको छ । कार्यक्रममा बुङ्गदीकाली गाउपालिकाको वडा नं ४ र ६ –साविक रुचाङ्ग तथा नरम गाविस) का नवनिर्वाचित पदाधिकारी, महिला समुह, बालक्लब, युवाक्लब, राजनितिक दलका प्रतिनिधिहरुको सहभागीता थियो ।

हिमालयन सामुदायिक विकाश मञ्च हिकोडेफको आयोजनामा भएको कार्यक्रममा नवनिर्वाचित  वडा नं ४ र ६ अध्यक्ष सहित ४० जनाको सहभागिता थियो ।

कार्यक्रममा बैदेशिक रोजगारीमा जाने युवाले सचेत हुनुपर्ने कुराका साथै बैदेशिक रोजगारीका क्रममा देखिएका ठगीका घटनाको बिषयमा छलफल भएको थियो । साथै युवाहरुलाई ठगीबाट रोक्न र स्वदेशमा नै रोजगारीको अवसर सिर्जना गर्न गाउँपालिकाको ठुलो सहयोग रहने र सूसुचित भई विदेश गए ठगी कम हुने बिषयमा छलफल भएको थियो ।

कार्यक्रम पछि बोल्दै  बुङ्गदीकाली गाउपालिको वडा नं ४ अध्यक्ष मान बहादुर सारु र वडा नं ६ का अध्यक्ष नेम बहादुर थापाले बैदेशिक रोजगार सम्बन्धी कार्यक्रम वडास्तरमा सञ्चालन गर्ने र सकेसम्म गाउँपालिकालाई नै युवा लक्षित कार्यक्रम गर्न अनुरोध गरी बुङ्गदीकाली गाउँपालिकालाई ठगी मुक्त र सीपयुक्त गाउँपालिका बनाउन बजेट बिनियोजनमा भुमिका निर्वाह गर्ने प्रतिबद्धता ब्यक्त गरे ।

हिमालयन सामुदायिक बिकाश मञ्चका कार्यकारी निर्देशक शुरबिर स्थापितको अध्यक्षतामा सम्पन्न भएको कार्यक्रमकोसहजीकरण कार्यक्रम संयोजक रितुराम सोतीले गरेका थिए ।

यो पनि पढ्नुहोस्

कतारमा ईरानले पठायो तरकारी र फलफूल