काठमाडौं, माघ ३– होटल क्षेत्रका तीनवटा ट्रेड यूनियनहरुले १० बर्ष अघि लागु भएको सेवा शुल्क पुनरावलोकनका लागि एक हप्ताको अल्टिमेटम सहित होटल एसोसिएसन नेपाल(हान) लाई ध्यानाकर्षण गरेका छन् । जिफन्ट आवद्ध नेस्वहोमयू सहित तीनवटा यूनियनहरुले शत प्रतिशत सेवा शुल्क कामदारले पाउनु पर्ने व्यवस्थाका लागि ध्यानाकर्षण गराएका हुन् । 

यूनियनहरुका तर्फबाट बुझाइएको ध्यानाकर्षण पत्रमा भनिएको छः यसअघि सन् २००६ मा सम्पन्न सेवा शुल्क सम्बन्धी सम्झौता पुनरावलोकनका लागि पत्राचार गर्दा होटल संघ नेपालले बेवास्ता गरी सम्झौताको मर्म र भावना बिपरित क्रियाकलाप सञ्चालन गरेकोले हामी संयूक्त टे«ड यूनियनको तर्फबाट यो ध्यानाकर्षण गराउँदछौं । पत्रमा शतप्रतिशत सेवा शुल्क कामदारलाई नै उपलब्ध गराउनु पर्ने भन्दै त्यसका लागि यसअघिको सम्झौता पुनरावलोकनका लागि एक हप्ता भित्र वार्ता आव्हान गरी समस्या समाधान गर्न यूनियनहरुले आग्रह गरेका छन् । माग पूरा नभए माघ ४ गतेदेखि सशक्त आन्दोलनका कार्यक्रम सुरु हुने चेतावनी यूनियनहरुले दिएका छन् । 

यसैबीच शतप्रतिशत सेवा शुल्क प्राप्तीको आन्दोलनलाई निर्णयक बनाउन गत पुष २६ गते नेपाल स्वतन्त्र होटल, क्यासिनो तथा रेष्टुरेण्ट मजदुर यूनियन, अखिल नेपाल होटल, क्यासिनो तथा रेष्टुरेण्ट मजदुर संघ र नेपाल पर्यटन श्रमिक संघ राष्ट्रिय समितिले केन्द्रीय संयूक्त संघर्ष समिति बनाएका छन् । आन्दोलनलाई सहि रुपमा अगाडी बढाउने उद्धेश्यले बनाइएको संघर्ष समितिको आचारसंसहता समेत तयार पारिएको छ । तीनवटा यूनियन मध्ये कुनै पनि एक यूनियनले एकलौटी ढंगले आन्दोलन फिर्ता लिन नपाइने सहमति फिर्ता लिन नपाइने सहमति यूनियनहरु बीच भएको छ । 

{source}<iframe width=”560″ height=”315″ src=”https://www.youtube.com/embed/7M95Yy0W3sw” frameborder=”0″ allowfullscreen></iframe>{/source}