काठमाडौं, मंसीर १९ 

विभिन्न देशमा आकर्षक तलवमा पठाइदिने भन्दै १८ जनाबाट ३३ लाख ४२ हजार ठगेको अभियोगमा प्रहरीले काभ्रेका बुद्धकुमार लामालाई पक्रेको छ । ३७ बर्षिय लामाले युएई, फ्रान्स तथा युरोपका अन्य मुलुकमा रोजगारीका लागि पठाउने भन्दै सो रकम ठगेको उजुरीका आधारमा प्रहरीले पक्रेको हो । 

महानगरिय अपराध महाशाखाका अनुसार लामाले सिन्धुलीका गितेन्द्रबहादुर ठकुरी समेत ५ जनालाई दुवई पठाइदिन भन्दै १० लाख ठगेका थिए । यसैगरी काठमाडौंका कविन शाही समेत ७ जनाबाट ११ लाख तथा डडेलधुराका दिलबहादुर तमोलीबाट १ लाख ९२ हजार उठाएको प्रहरीमा उजुरी परेको छ । उनले बविता काजु र कविता श्रेष्ठलाई युरोपमा आकर्षक तलव हुने रोजगारीमा पठाउने भन्दै ३ लाख असुलेको प्रहरीको भनाई छ । विभिन्न व्यक्तिलाई श्रृंखलावद्ध रुपमा ठगि गरेका लामाले राकेश प्रधान, जनकलाल पौडेल लगायतलाई फ्रान्स पठाउने भन्दै ५ लाख ५० हजार असुलेको प्रहरीले बताएको छ । उनले खगेन्द्र गुरुङलाई आबुधावी क्रुजमा पठाउने भन्दै दुई लाख उठाएको प्रहरीमा उजुरी गरिएको छ । 

लामाले रकम उठाएर बेपत्ता भएको भन्दै प्रहरीमा उजुरी परेपछि महाशाखाबाट खटिएको प्रहरी टोलीले लामालाई काठमाडौंको लाजिम्पाटबाट पक्राउ गरेको हो । उनलाई थप अनुसन्धानका लागि बैदेशिक रोजगार विभागमा पठाइएको महाशाखाले जनाएको छ । 

प्रहरीको प्रारम्भीक अनुसन्धानमा लामाले दुवईमा दुवईमा कृष्ण बहादुर क्षेत्रीले सञ्चालन गरेको कृष्ण एण्ड कन्सल्टेन्सीलाई देखाएर बेरोजगार युवायुवतीलाई ठगेको देखिएको छ । उनका बारेमा अनुसन्धान भइरहेको प्रहरीले जनाएको छ । 

फरक प्रसंगको भिडियो हेर्नुहोस् 

{source}
<iframe width=”560″ height=”315″ src=”https://www.youtube.com/embed/NeECQeRWoys” frameborder=”0″ allowfullscreen></iframe>{/source}