काठमाडौं, मंसीर १५ 

युएईमा रोजगारदाताले काम तथा बस्ने स्थानबाट निकालेपछि अलपत्र परेर सडकमै बस्न बाध्य भएका तीनजना नेपालीको उद्धारका लागि बैदेशिक रोजगार व्यवसायी संघले चासो देखाएको छ । युएईमा ३ नेपालीको सडकमै बास (भिडियो) प्रकाशित भएपछि संघले उनीहरुलाई पठाउने मेनपावर कम्पनी ईलाईट ह्मुमन रिसोर्सका सञ्चालकलाई तत्काल पीडितलाई नेपाल फर्काउन निर्देशन दिएको छ । 

संघका महासचिव रोहन गुरुङका अनुसार ईलाईटका सञ्चालक विष्णुबहादुर भण्डारी पीडितलाई नेपाल फर्काउन हवाई टिकट दिन तयार भएका छन् । उनले बुधवार साँझसम्ममा युएईमा कुराकानी गरेर संघलाई जानकारी गराउने बताएको महासचिव गुरुङको भनाई छ ।  पीडितलाई आवश्यक सहयोग गरिदिन युएईस्थीत नेपाली दुतावासलाई पनि अनुरोध गर्दै संघका तर्फबाट समेत ईमेल गरिएको उनले बताए ।  

यस सम्वन्धि अर्को सामग्री पढ्नुहोस् 

‘दासताको बजारमा मान्छे बेच्नेहरुलाई, पसिनाको सराप लागोस्’

पीडितका बारेमा तयार पारिएको भिडियो हेर्नुहोस् 

{source}
<iframe width=”560″ height=”315″ src=”https://www.youtube.com/embed/PRS-lAKNXEU” frameborder=”0″ allowfullscreen></iframe>{/source}