काठमाडौं, म्रसीर ८
मलेसियामा मृत्यु भएका पूनर्बास नगरपालिका, चगाउँ, कञ्चनपुरका २९ वर्षीय सन्तबहादुर तामाङको शव काठमाडौं ल्याइएको छ । प्रधानमन्त्रीको सचिवालयका अनुसार उनको शव तत्काल नेपाल ल्याउन प्रधानमन्त्री पुष्पकमल दाहाल ‘प्रचण्ड’ ले विशेष निर्देशन दिएपछि शव तत्कालै नेपाल ल्याइएको हो ।

वैदेशिक रोजगारीको क्रममा २ वर्ष अघि मलेसिया पुगेका तामाङको गत मंसीर २ गते मृत्यु भएको थियो । मृतकका परिवारले मंसीर ६ गते मृतकको शव नेपाल ल्याउने व्यवस्था मिलाई दिन प्रधानमन्त्री कार्यालयमा अनुरोध गरेका थिए । मृतकका आफन्तको अनुरोधपछि नेकपा माओवादी केन्द्र, कञ्चनपुर जिल्ला पार्टीको समन्वय र प्रधानमन्त्री कार्यालयको विशेष पहलमा तामाङको शव नेपाल ल्याइएको सचिवालयले जनाएको छ । तामाङको शव नेपाल ल्याउने प्रक्रियाका लागि प्रधानमन्त्री कार्यालयले श्रम मन्त्रालय, परारष्ट्र मन्त्रालय र मलेसियाको नेपाली दूतावाससँग समन्वय गरेको थियो ।

तामाङको शव नेपाली समय अनुसार मंसीर ८ गते बुधवार दिउँसो १ बजे त्रिभूवन बिमानस्थल ल्याइएको थियो । शव बुधवार नै कञ्चनपुर पठाइएको माओवादी नेतृ बिना मगरलाई उधृत गर्दै जानकारी दिइएको छ । तामाङको शव कञ्चनपुर लैजाने व्यवस्था पनि प्रधानमन्त्री कार्यालयले मिलाएको जनाइएको छ ।

यो पनि पढ्नुहोस्

विदेशमा बस्नेले भोट हाल्न पाउने की नपाउने भन्नेमा साँसदहरु नै विभाजित