२० लाख श्रमिकको संस्था उत्रियो विरोधमा, कानून फिर्ता गर्न चेतावनी

काठमाडौं, असोज २१

गत हप्ता संसदले पारित गरेको औद्योगिक व्यवसाय सम्वन्धि कानून फिर्ता लिन संयुक्त ट्रेड यूनियन समन्वय केन्द्र(जेटीयूसीसी) ले आग्रह गरेको छ । आफूहरुसँग विना कुनै परामर्श हतारमा संसदबाट पारित गरिएको कानून फिर्ता नलिइएमा नेपालका २० लाख मजदुरको प्रतिनिधिमूलक संस्था त्यसको विरुद्धमा उत्रिने चेतावनी जेटीयूसीसीले दिएको छ । 

नेपाल ट्रेड यूनियन काँग्रेसका अध्यक्ष समेत रहेका जेटीयूसीसीका अध्यक्ष खिलानाथ दाहालले प्रेश विज्ञप्ती जारी गर्दै गत असोज १३ गते संसदबाट पारित सो ऐनले श्रमिकको हक खोसेको बताएका छन् । सो कानून अन्तराष्ट्रिय श्रम संगठन(आइएलओ) को आधारभूत महासन्धिहरु ८७(संगठन रुवतन्त्रता) र ९८(सामुहिक सौदावाजी) भावना विपरित रहेको जेटीयूसीसीको ठहर छ । 

जेटीयूसीसी अध्यक्ष दाहालले कानून बनाउँदा सम्वन्धित सरोकारवालाहरुसँगको छलफल र सहमतिमा बनाइनु पर्नेमा एकाएक बन्द हड्ताल गर्न नपाइने र नो वर्क नो पे भन्ने वाक्याँश राख्दै कानून ल्याउनुले आफूहरुलाई विस्मित तुल्याएको बताए । उनले यसले हाल संसदमा छलफलको क्रममा रहेका श्रम ऐनको संशोधन सम्वन्धि विधेयक र सामाजिक सुरक्षा विधेयकलाई ओझेलमा पार्ने काम गरेको तर्क गरे । 

जेटीयूसीसीले यसअघि रोजगारदाता, सरकार र ट्रेड यूनियनहरु बीच भएको आपसी सहमति अनुरुप अगाडी बढ्न आग्रह गर्दै त्यसो नगरिए नेपालका ट्रेड यूनियनहरु राष्ट्रिय रुपमा आन्दोलनमा उत्रिने र अन्तराष्ट्रिय मञ्चमा यसका बारेमा मुद्धा हाल्न जाने चेतावनी दिएको छ ।     

यो पनि पढ्नुहोस् 

बाँडिए १० लाख पर्चा, सोधियो ११ प्रश्न 

What’s your Reaction?
+1
0
+1
0
+1
0
+1
0
+1
0
+1
0
+1
0

प्रतिक्रिया

सम्बन्धित खवर

ताजा समाचार

लोकप्रिय

Custom Fields: