कुमार “अविरल” पन्थी, कतार 

दाङ देउखुरी सेवा समाज कतार अन्तर्गत रहेको दाङ देउखुरी बचत सहकारीको साधारण सभा तथा तिज बिशेष कार्यक्रम सम्पन्न भएको छ ।कार्यक्रममा दङ्गाली तथा गैर दङ्गालीहरुको उपस्थिति रहेको थियो । 

समाज अन्तर्गत रहेको दाङ देउखुरी बचत सहकारीको विविध गतिविधिहरु प्रस्तुत गर्दै सोहि साधारण सभाले लीलामणि लामिछानेको अध्यक्षतामा सात सदस्य सञ्चालक समिति चयन गरेको छ । समितिको उपाध्यक्ष सुभाष रजौरे, सचिव र्इश्वर जि.सि., कोषाध्यक्ष मीनराज पुन मगर रहेका छन् । त्यसैगरी सदस्यहरुमा नवराज एम सि, लीलाधर आचार्य, शेर बहादुर बिष्ट रहेका छन। 

सहकारीको कार्यक्रम समापन पछि हिन्दु नारीको महान चाड हरितालिका तिजको अवसरमा तिज विशेष कार्यक्रम समेत सम्पन्न भयो । कार्यक्रममा गायक होम बि.सी., दुर्गा बि.सि., सुदिप पुन, गायिका सुष्मा पुन, कमला गुरुङ, डान्सर सन्चोमाया तामाङ, हास्यव्यंग कलाकार राम बहादुर बोहरा लगायतका कलाकारहरुको प्रस्तुती रहेको थियो । सोहि अवसरमा कार्यक्रममा उपस्थीतहरुलाई तिजको दर समेत खुवाइको थियो ।

कार्यक्रमको अन्त्यमा सभपति सुवेदीले कार्यक्रम भव्य एवम सभ्य रुपमा सफल बनाउनका लागि सहयोग गर्नुहुने सम्पुर्णलाई धन्यवाद व्यक्त गरेका थिए ।