ईलाम– लक्ष्मीपुर ८ का युवराज  पौडेलको  बिहान,  दिन  र  साँझ फार्ममा बित्छ । गत वर्षदेखि छ लाखरुपैयाँ खर्चेर गाईफार्म सुरु गरी उनले आम्दानीको बाटो पहिल्याएका हुन् । छ वटा गाईबाट सुरु भएको फार्ममा अहिले १० माउ पुगेका छन् । चार रोपनी  जमिनमा  फैलिएको  पौडेलको गाई फार्मबाट दैनिक ८० लिटर दूध उत्पादन हुन्छ । उत्पादित दूध स्थानीय दुग्ध संंस्थामा  बिक्री गर्दै  आएका पौडेलले बजारको चिन्ता नभएको सुनाए । 

संस्थाले दिने मूल्य खर्च र मेहेनतको आधारमा कम भए पनि निरन्तर रूपमा गर्दा रोजीरोटीको  समस्या  छैन,’  उनले  भने, सबैखर्च कटाएर १५ हजारभन्दा बचत हुँदा सन्तुष्ट  छु ।’ पौडेलले  मासिक रूपमा दुई जनालाई रोजगारीसमेत  दिएका  छन् । उनले  फार्म  खोलेर  व्यावसायिक  ढंगलेगाई पाल्न थालेपछि घरबारी र जंगल डाले घाँसले  ढाकेको  छ । होलिस्टेन र जर्सी जातका गाई रहेको फार्ममा पशु चिकित्सक सुविधा लिन भने समस्या रहेको उनी बताउँछन् । उनी जस्तै  लक्ष्मीपुरमा धेरै कृषकले परम्परागत शैली छोडदै व्यावसायिक ढंगले गाई फार्म खोलेर आम्दानी  बढाउँदै लगेका छन्। । 

कान्तिपुरबाट