गणेश प्रसाद बन्जाडे , दोहा- बैदेशिक रोजगारीको शिलशिलामा विगत २२ महिना देखी कतारमा कार्यरत पोखरा रानिपौवाका २१ बर्षिय सुवास परियारको दुबै मृगौला खराब छन । काम गर्दै जादा कोखो दुखेर वर्का स्थित कतारको सरकारी अस्पतालमा स्वास्थ्य परिक्षणका लागि पुगेका उनले दुबै मृगौला खराब भएको थाहा पाए ।

उनी नेपाल फर्किसकेका छन । गत फेब्रवरी १३ तारिकका दिन नेपाल र्फकेका हुन । उनी हाल पोखरा स्थित मणिपाल अस्पतालमा उपचारार्थ छन । उनको पारिवारीक अवस्थालाई मध्यनजर गर्दै कतारमा विभिन्न माध्यमबाट उनको उपचारका लागि सहयोग जुटाईएको छ ।

गत १३ तारिक शुक्रवारका दिन दोहाको टपर्फम रेष्टुरेन्टमा पत्रकार सम्मेलन गरी दलित एकता सन्जाल एनसिसी कतारले परियारको सहयोगका बारेमा जानकारी दिइएको थियो । एनसिसी कतारबाट रु ४ लाख ४ हजार ६१ दलित एकता सन्जाल अन्तराष्ट्रिय सम्वन्य समितीका सदस्य विष्णु बहादुर गुप्ताको नाममा पठाएको छ ।

मृगौला रोगी परियारको उपचारका लागि दलित एकता सन्जालका कृष्ण बिश्वकर्माको संयोजकत्वमा सहयोग अभियान शुरु गरिएको थियो । सहयोग अभियानमा सदस्यहरु बिरेन नेपाली, क्षितिज किरण नेपाली, ईन्द्र लावर, लोक नेपाली, अशोक बि.क र कृष्ण परियार रहेका थिए ।

पत्रकार महासंघका निर्वतमान अध्यक्ष रबि रोषीले परियारको सहयोगका लागि कलम चलाएका हुन । रोषीले पिडितको बारेमा समाचार लेखेका थिए । उनको समाचारपछी सहयोगी हातहरु जुट्ने क्रम बढेको हो ।

सहयोग अभियानमा पर्वत युवा सेवा समाज, कास्की आदर्श सेवा समाज, विश्वकर्मा सेवा समाज, जनप्रगतीशिल मन्च, प्रवासी झापाली मन्च लगायतका संघ संस्था तथा सहयोगीहरुद्धारा रकम संकलन गरिएको सम्मेलनमा जानकारी दिईयो । दलित एकता सन्जालले विगतका दिनहरुमा पनी परोपकारी कार्य गर्दै आईरहेका विविध गतिबिधीहरुलाई कार्यक्रममा प्रष्ट पारियो । साथै यस अभियानमा सहयोग गर्ने सबै सहयोगीहरु प्रती संस्थाले कृतज्ञता प्रकट गरेको थियो ।