दुवई एक पाकिस्तानी नागरिकले इण्डोनेसियाबाट आएकी एक महिलालाई आफु कम्पनीका तर्फबाट लिन आएको व्यक्ति भएको भन्दै दुवई अन्तराष्टिय विमानस्थलबाट अञ्जान ठाउँमा लगेर बलात्कार गरेका छन् ।

चालकका रुपमा कार्यरत ४२ बर्षिय ति व्यक्तिले ३६ बर्षिया ति महिलालाई विमानस्थलबाट औद्योगिक क्षेत्रको एकान्त ठाउँमा पुर्याएका थिए । उनले बलात्कार पछि आफूसँग राजिखुसीले बस्न समेत धम्क्याएका थिए ।

उनलाई अपहरण, बलात्कार तथा धम्क्याएको अभियोग लागेको छ । ति महिलाका अनुसार उनी अलएनको एक घरमा काम गर्न आएको, आफूले रोजगारदातालाई पर्खिरहेको समयमा ति व्यक्ति आएर आफु रोजगारदाता भएको बताएका थिए । उसले त्यसपछि उनलाई आफ्नो कारमा लिएर गएको थियो ।

त्यसपछि अँध्यारो ठाउँमा पुर्यापछि सो व्यक्तिले आफूले भनेको नमानेमा हत्या गर्ने धम्की दिएर उसले बलात्कार गरेको थियो । त्यसअघि आफुले यौनसम्वन्धका लागि इन्कार गर्दा आफुलाई कुटेको समेत ति महिलाले बताएकी छिन् ।

सो व्यक्तिले त्यसपछि ति महिलालार्ई विमानस्थल नजिकैको एक ठाउँमा उतारिदिएका थिए । एकजना फिलिपिनो नागरिकले ति महिलालाई एक्लै हिंडिरहेको अवस्थामा फेला पारेर प्रहरीसम्म पुर्याइदिएका थिए । ति महिलालाई लिएर गएको प्रहरीले सो व्यक्तिलाई विमानस्थल परिसरबाट पक्राउ गरेको हो ।