डार्कम्याटर ब्रह्माण्डको चारैतिर रहेको मानिएको अदृश्य पिण्ड हो। यसले प्रकाश परावर्तन गर्दैन र शोषण पनि। त्यसैले यो अदृश्य रहन्छ, सामान्य आँखाले त के, टेलिस्कोपबाट समेत प्रत्यक्ष हेर्न सकिँदैन। यद्यपि, गुरुत्वाकर्षण प्रभावका आधारमा खगोलशास्त्रीले यसको अस्तित्व भने स्विकार्दै आएका छन्। उनीहरु ब्रह्माण्डमा डार्कम्याटरको अवस्थितिलाई अँध्यारो कोठामा टर्चलाइट बाल्दाको अवस्थासँग तुलना गर्छन्। अँध्यारो कोठामा टर्चलाइटको प्रकाश जति भागमा पर्छ, त्यति मात्र देखिन्छ। त्यसको अर्थ कोठाका अन्य भागमा कुनै पनि वस्तु छैन भन्ने होइन। डार्कम्याटर छ भन्नेमा वैज्ञाानिकहरु आश्वस्त छन् तर त्यो कस्तो हुन्छ र कहाँ रहन्छ भन्ने अझै रहस्यमै रहेको मान्छन्।