क्वालालम्पुर- मलेसियामा नेपालीलाई नै ठग्ने नेपाली दलालहरु अहिले फरार छन् । यहास्थित नेपाली राजदूतावासमा विभिन्न काम लिएर आउनेहरु माथि ठगी गर्नेहरु आजभोलि देखिन् छाडेका हुन् । राजधानी क्वालालम्पुरमा रहेको राजदूतावासको आसपासबाट सादा पोशाकमा आएका मलेसियन प्रहरीले केहि दलालहरुलाई समातेर कार्बाहि प्रक्रिया शुरु गरे पछि उनिहरु देखा पर्न छाडेका छन् । विभिन्न काम लिएर राजदूतावासमा आउने नेपालीहरुलाई पटक-पटक दलालहरुले दुख दिने गरेको जनगूनासो थियो ।  घर जाने हो  ? आउनोस हामी सस्तोमा पठाउछौ  । भन्दै हातै  समातेर हैरान पारेको दृष्य यति बेला देखिदैन । राजदुतावास परिसर खाली जस्तै देखिन्छ । भिडभाड पनि कम भएको छ । समस्यामा परेकालाइ  घर पठाइदिने नाममा शुरुमा थोरै  रकम लिन्छौ भन्ने  र पछि उनिहरुबाट मनपरि रकम असुली हुन्थ्यो । टिकट महङगो भयो या पाईएन भन्दै रकम थप्न लगाउने गरेको पनि प्रसस्त पाइन्थ्यो  । 

कतिपयलाई रकम सकिए पछि घर बाट थप रकम मगाएर फर्किन बाध्य  पारेका पनि भेटिन्थे । कतिपय दलालहरु रकम लिएर सम्पर्कमै  नआउने  गरेको पनि स्वम पिडितहरु बनाउछन । दलालहरुले क्वालालम्पुरका बिभिन्न  नेपाली रेष्टुरेण्टमा घर फर्कन खोज्नेलाइ राख्ने र अलपत्र पार्ने प्रक्रिया ब्यापक बनेको छ । नेपाली रेष्टुरेण्टमा राखिएका पिडितहरु भागेर राजदूतावासमा गई उजुरी समेत दिने गरेका छन् । अलपत्र परेकाहरु आफ्नो पहलमा नेपाल फर्किने गरेको दूतावासस्रोत बताउछ । दलालहरुले अझै होस्टलमा राखेर रकम असुली राखेको पनि पिडितहरुले नेपाल गए पछि जानाकारी दिएका छन् ।झोले दलालहरुले  बाहिर गएमा प्रहरि लगाई दिन्छु भन्ने धम्कि दिने अनि महिनौ झुलाउने र घरबाट रकम मगाउन लगाउने गरेको पनि नेपाल  फर्केका पिडितहरुले बताए । 

कतिपय पिडितले दलालको पञ्जाबाट भागेर नेपाली राजदूतावासमा गई  लिखित उजुरी दिएकाले त्यस्ता दलाललाई  कार्बाहि गरि पिडितलाई नेपाल फर्काएको राजदूत डा. निरञ्जनमान सिं बस्न्यातले बताए । डा.बस्न्यातले राजदूतावास वरिपरि रहेर ठगि गर्ने कुनै पनि झोले दलालहरुलाई कार्बाहि गरी  छाड्ने बताए । यस्ता झोले दलालहरुबाट सोझा नेपालीहरु ठगिएकाले आफुले यो सफा गर्ने बताउदै कसैले केहि प्रलोभनमा पारेको छ भने सिधै नेपाली राजदूतावासमा निबेदन दिन राजदूत डा. बस्न्यातले सबैमा आग्रह गरेका छन् ।  त्यस्ता  दलालहरुलाई कुनै हालातमा  नछाड्ने  भन्दै उन्ले गलत काम नगर्न चेतावनि दिए ।